பாஜக கூட்டத்தில் போலீசுக்கே பாதுகாப்பு இல்ல: பாக்கெட்டில் பொறுமையாக கையைவிட்ட சுருட்டிய நபர்!

கூட்டத்தை பயன்படுத்தி கூட்டத்தோடு கூட்டமாக பிக்பாக்கெட் அடித்த வர் யார் என்பது குறித்து காவல்துறையினர் தீவிர விசாரணை நடத்தி வருகின்றனர்.

சேலம் மாவட்டம் ஜலகண்டாபுரத்தில் பாஜகவின் கட்சிக் கொடி கம்பம் நடுவது சம்மதமாக காவல்துறையினருக்கும், பாஜகவினருக்கும் இடையே தள்ளுமுள்ளு ஏற்பட்டது. இந்த சம்பவம் பெரும் பரபரப்பை ஏற்படுத்தியது.

அப்போது கூட்டத்தின் பரபரப்பை பயன்படுத்திக் கொண்ட மர்ம நபர் ஒருவர் காவலரின் பாக்கெட்டிலிருந்து பிக்பாக்கெட் அடிப்பது காட்சிகளில் பதிவாகி பரபரப்பை ஏற்படுத்தி உள்ளது.

பை இல்ல; கைல வாங்கிகோங்க... பொங்கல் பரிசுக்கு வந்த சோதனை!
காவல்துறையினருக்கும் பாஜகவுக்கும் கடுமையான தள்ளுமுள்ளு வாக்குவாதம் நடைபெற்று கொண்டு நிலையில் எந்தவித பதட்டமும் இல்லாமல் மர்ம நபர் ஒருவர் காவலரின் பாக்கெட்டில் கையைவிட்டு பொருட்களை எடுப்பது போன்ற காட்சிகள் பதிவாகி உள்ளது.

இந்த காட்சிகள் தற்போது சமூக வலைதளங்களில் வைரலாக பரவி வருகிறது பிக்பாக்கெட் மற்றும் கொள்ளை அடிப்பது என முடிவு செய்து விட்டால் யாராக இருந்தாலென்ன அவர்களுக்கு தேவை பணம் மற்றும் பொருள்தான் என்பது இந்த சம்பவத்தின் மூலம் உறுதியாகி உள்ளது.