மகன் திருமணத்திற்கு சிஎம், மினிஸ்டர்ஸ் என அனைவரையும் வரவழைத்த கூட்டுறவுச் சங்க நிர்வாகி!

தமிழ்நாடு கூட்டுறவு வங்கி தலைவர் இளங்கோவன் இல்லத் திருமண விழாவிற்கு மாநில முதல்வர் பழனிசாமி, அமைச்சர்கள் பலர் நேரில் சென்று பங்கேற்றிருந்தனர்.

தமிழ்நாடு மாநிலத் தலைமை கூட்டுறவு வங்கி தலைவரும் அதிமுக சேலம் புறநகர் மாவட்ட அம்மா பேரவை செயலாளருமான இளங்கோவன் இல்லத் திருமண விழா வெள்ளிக்கிழமை நடந்தது. இந்த திருமணம் ஆத்தூர் பகுதியில் உள்ள தனியார் திருமண மண்டபத்தில் நடைபெற்றது.

திருமணத்திற்குத் தமிழ்நாடு முதலமைச்சர் பழனிசாமி தலைமை தாங்கினார். பழனிசாமி தாலி எடுத்துக் கொடுத்த திருமணத்தை நடத்தி வைத்தார். அதைத் தொடர்ந்து மணமக்களுக்கு வாழ்த்து தெரிவித்த முதல்வர், அங்கிருந்து புறப்பட்டார்.

20 ஆண்டுகால அலைச்சல்... 20 நிமிடத்தில் சரி செய்த ஆட்சியர்

முதல்வரைத் தொடர்ந்து உள்ளாட்சித்துறை அமைச்சர் வேலுமணி, உணவுத்துறை அமைச்சர் காமராஜ், கூட்டுறவுத்துறை அமைச்சர் செல்லூர் ராஜு, பால்வளத்துறை அமைச்சர் ராஜேந்திர பாலாஜி, அறநிலை துறை அமைச்சர் சேவூர் ராமச்சந்திரன், அதிமுகவின் மூத்த நிர்வாகி பொன்னையன் உள்பட ஏராளமான சட்டமன்ற உறுப்பினர்கள் நாடாளுமன்ற உறுப்பினர்களும் பங்கேற்றிருந்தனர்.