Pongal cash gift Salem: முதல்வர் படம் அச்சிட்ட பொங்கல் பைகள்... பொதுமக்களுக்கு வழங்கினார் கலெக்டர்!

2021 தை பொங்கலை முன்னிட்டு குடும்ப அட்டைதாரர்களுக்கு பொங்கல் பரிசாக 2,500 ரூபாய் உடன்தகூடிய பொங்கல் தொகுப்பு வழங்கப்படும் என்று எடப்பாடி பழனிச்சாமி அண்மையில் அறிவித்திருந்தார். மேலும் இந்த பணி ஜனவரி 4 ஆம் தேதி தொடங்கும் என்றும் அவர் தெரிவித்திருந்தார்.

அதன்படி, சேலம் பள்ளப்பட்டி பகுதியில் உள்ள ரேஷன் கடையில் வேட்டி, பயனாளிகளுக்கு வேட்டி, சேலையுடன் 2500 ரூபாய் அடங்கிய பொங்கல் பரிசு தொகுப்பு வழங்கும் நிகழ்ச்சியை மாவட்ட ஆட்சியர் ராமன், சேலம் மாநகர அதிமுக மாவட்ட செயலாளர் வெங்கடாசலம் ஆகியோர் இன்று காலை தொடங்கி வைத்தனர்.

அரிசி குடும்ப அட்டைதாரர்கள் சுழற்சி முறையில் பயன்பெறும் வகையில் நாளொன்றுக்கு 200 ரேஷன் அட்டைகளுக்கு டோக்கனில் குறிப்பிட்டுள்ளபடி பொங்கல் பரிசு தொகுப்பு வழங்கப்படவுள்ளது.

எழுத்தறிவிக்கும் இளைஞர்கள்... பாராட்டும் மக்கள் நீதி மய்யம்

சேலம் மாவட்டத்தை பொறுத்தவரை 252. 23 கோடி ரூபாய் மதிப்பில் 10,08,909 அரிசி ரேஷன் அட்டைதாரர்களுக்கு 1,585 ரேஷன் கடைகள் மூலம் பொங்கல் பரிசு தொகுப்பு பொருட்கள் வழங்கப்பட உள்ளன.

இதனையொட்டி, மாவட்டத்தில் உள்ள அனைத்து ரேஷன் கடைகளிலும் போலீசார் பாதுகாப்பு பணியை மேற்கொண்டுள்ளனர்.