பொங்கல் பண்டிகை...சேலத்தில் இந்த முறை சிறப்பு பேருந்துகள் கம்மி?!

தமிழகத்தை பொறுத்தவரையில் பண்டிகைக் காலங்களில் சிறப்பு பேருந்துகள் அதிகளவில் இயக்கப்படுவது வழக்கம் இதன்படி கடந்த ஆண்டு 14 ஆயிரம் சிறப்பு பேருந்துகள் இயக்கப்பட்டன.

இந்த ஆண்டு மக்களின் முன்பதிவு தேவையைப் பொறுத்து சிறப்பு பேருந்துகளை இயக்க அரசு போக்குவரத்து கழக நிர்வாகம் முடிவு செய்துள்ளது.

பண்டிகை காலங்களில் சிறப்பு பேருந்துகள் முன்பதிவு செய்ய பொதுமக்கள்https://www.tnstc.in/home.html என்ற இணையதளம் மூலம் முன்பதிவு செய்து கொள்ளலாம் என போக்குவரத்து துறை அறிவித்துள்ளது.

லஞ்சம் பெற்ற வட்டாட்சியர் கைது... நேக்காக போட்டுக் கொடுத்த சிட்டிசன்

சேலம் கோட்டத்தை பொருத்தவரையில் வழக்கமாக பண்டிகை நாட்களில் 200 சிறப்பு பேருந்துகள் இயக்கப்படும். ஆனால் இந்த ஆண்டு முன்பதிவு பொருத்து பேருந்துகளை இயக்க அரசு போக்குவரத்து கழக அதிகாரிகள் நடவடிக்கை மேற்கொண்டுள்ளனர்.

கொரோனா தொற்று காரணமாக மக்கள் முழுமையாக இன்னும் வீடுகளை விட்டு வெளியே வராத சூழ்நிலையில் தற்போது பெரும்பாலான பேருந்துகள் குறைந்த அளவு பயணிகளுடனே இயக்கப்பட்டு வருகின்றன.

மழை போயிடுச்சு... பனிப்பொழிவு வந்திடுச்சு!

இதனால் போக்குவரத்து கழகம் ஏற்கெனவே இழப்பை சந்தித்து வரும் சூழ்நிலையில் தற்போது பண்டிகை காலங்களில் முன்பதிவு எப்படி இருக்குமென அதிகாரிகள் எதிர்பார்த்து காத்திருக்கின்றனர்.