இலங்கையில் தேங்காய் விலை நிர்ணயம் செய்ய புதிய முறை!

இலங்கையில் தேங்காய் விலையை அதன் சுற்றளவை மையமாகக் கொண்டு நிர்ணயிக்கும் அறிவிப்பு அதிகாரபூர்வமாக வெளியிடப்பட்டுள்ளது.

மக்களின் அன்றாடத் தேவைகளில் ஒன்றான தேங்காயின் விலையை நிர்ணயம் செய்வது தொடர்பான வர்த்தமானி அறிவித்தல் வெளியாகியுள்ளது.

இதன் பிரகாரம், 12 அங்குலத்தை விட குறைந்த சுற்றளவை உடைய தேங்காயின் உயர்ந்தபட்ச சில்லறை விலை 60 ரூபாயாக இருக்கும். 12 அங்குலத்திற்கும் 13 அங்குலத்திற்கும் இடைப்பட்ட சுற்றளவை உடைய தேங்காயின் குறைந்த பட்ச விலையை 65 ரூபாய் எனவும், 13 அங்குலத்தை விட கூடுதலான சுற்றளவை உடைய தேங்காயின் குறைந்த பட்ச விலையை 70 ரூபாய் எனவும் நிர்ணயிப்பதென அரசாங்கம் தீர்மானித்திருந்தது.

நண்பர் ராஜபக்சேவுடன் பேசியது மகிழ்ச்சி: மோடி போட்ட தமிழ் ட்வீட்!

ஆனால் இவ்வாறு விலை நிர்ணயிப்பது சிரமமான காரியம் என வர்த்தகர்கள் ஆதங்கப்படுகிறார்கள்.

நுகர்வோரைப் பாதுகாத்து அவர்களுக்கு நீதி நிலைநாட்டவே இத்தகைய தீர்மானத்தை எடுத்ததாக அமைச்சர் பந்துல குணவர்த்தன மேலும் தெரிவித்தார்.