விரைவில் 1,800 அரசு மருத்துவர்கள், செவிலியர்கள் நியமனம்

சுகாதாரத்துறையில் காலியாக உள்ள பணியிடங்கள் ஓரிரு வாரத்தில் நிரப்பப்படும் என அமைச்சர் விஜயபாஸ்கர் தெரிவித்துள்ளார்.

திருச்சி மருத்துவமனையில் 8.3 கோடி ரூபாய் மதிப்பீட்டிலான மருத்துவ உபகரணங்களின் பயன்பாட்டை அமைச்சர்கள் விஜயபாஸ்கர், வெல்லமண்டி நடராஜன், முன்னாள் அமைச்சர் வளர்மதி ஆகியோர் இன்று தொடங்கி வைத்தனர்.

பின் செய்தியாளர்களிடம் பேசிய அமைச்சர் விஜயபாஸ்கர், மருத்துவப் பணியாளர் தேர்வு வாரியம் மூலம், இதுவரை 21 ஆயிரம் பணியிடங்கள் நிரப்பட்டுள்ளதாகக் கூறினார்.

மேலும், மருத்துவர்கள், செவிலியர்கள், டெக்னீஷியன்கள் உள்ளிட்ட 1800 பணியிடங்கள் ஓரிரு வாரங்களில் நிரப்பப்படும் என்றார்.