தமிழகத்தில் டெங்கு; இன்று மட்டும் 6 பேர் பலி

தமிழகத்தில் பரவி வரும் டெங்கு காய்ச்சல் மற்றும் வைரஸ் காய்ச்சலுக்கு , இன்று மட்டும் 6 பேர் உயிரிழந்துள்ளனர்.

டெங்கு காய்ச்சலால் 10 ஆயிரத்துக்கும் மேற்பட்டோர் பாதிக்கப்பட்டு மருத்துவமனையில் அனுமதிக்கப்பட்டுள்ளனர். தமிழக அரசும் டெங்குவை கட்டுப்படுத்துவதற்காக பல்வேறு துரித நடவடிக்கைகள் எடுத்து வருகின்றது.

இருந்தபோதிலும், மருத்துவமனைகளில் போதிய அடிப்படை வசதி இல்லாமை, டெங்கு காய்ச்சல் குறித்த விழிப்புணர்வு இல்லாமை போன்ற போன்ற காரணங்களால் நாளுக்கு நாள் டெங்கு காய்ச்சல் வேகமாக பரவி வருகிறது.

இதன் உச்சமாக கடந்த சில தினங்களுக்கு முன்னர் ஒரே நாளில் 11 பேர் பலியான சம்பவம் அனைவரையும் அதிர்ச்சிக்குள்ளாக்கியது.

இந்நிலையில், மீண்டும் அதே போல், இன்று ஒரே நாளில் 6 பேர் டெங்கு காய்ச்சலுக்கு உயிரழந்துள்ளனர். இதனால், பொதுமக்கள், குழந்தைகள் அனைவரும் மிகுந்த எச்சரிக்கையுடன் இருக்குமாறு கேட்டுக்கொள்ளப்படுகிறார்கள்.