கோயில் திருவிழாவில் திருவை திரித்தல் போட்டியில் அசத்திய 96 வயது மூதாட்டி

எட்டயபுரம் அருகேவுள்ள அயன்வடமலாபுரம் காளியம்மன் கோயில் மிகவும் பிரசித்திப் பெற்றது. இந்த கோயிலில் 38 ஆண்டு காலமாக கோடை விழா வெகு விமர்சையாக கொண்டாடப்பட்டு வருகிறது. இந்தாண்டு நடைபெற்ற கோடை விழாவில் பல பாரம்பரிய விளையாட்டு போட்டிகளை கோயில் நிர்வாகித்தினர் ஏற்பாடு செய்திருந்தனர்.

அதன்படி, காளியம்மன் கோயில் எதிரே இருந்த திடலில் இளவட்டக்கல் தூக்கும் போட்டி, திருவை திரித்தல், அம்மி குத்துதல், பல்லாங்குழி, செதுக்குமுத்து உள்ளிட்ட விளையாட்டுப் போட்டிகள் ஏற்பாடு செய்யப்பட்டு இருந்தது.

இதில், அப்பகுதியில் வசிக்கும் ஏராளமான ஆண்கள், பெண்கள், இளைஞர்கள், குழந்தைகள் என பல தரப்பினரும் ஆர்வத்துடன் பங்கேற்றிருந்தனர். இதனால் அயன்வடமலாபுரமே விழாக்கோலம் பூண்டிருந்தது.

பெண்களுக்கான திருவை திரிக்கும் போட்டியில், நவதானியங்கள் வழங்கப்பட்டன. இந்த போட்டியில் இளம் பெண்கள், நடுத்தர வயது பெண்கள், மூதாட்டி என பலரும் பங்கேற்றனர்.

இதில், 96 வயதான வெங்கடம்மாள் என்கிற மூதாட்டி வெற்றி பெற்றார். திருவை சுத்தம் வேகத்தை பார்த்து பல பெண்களும், கோயில் நிர்வாகிகளும் அசந்து போனார்கள். வெற்றி பெற்ற வெங்கடம்மாளுக்கு பாராட்டுக்கள் குவிந்தன.