ஹேப்பி நியூஸ்: தீபாவளி போனஸ் - அரசு அதிகாரபூர்வ அறிவிப்பு!

தீபாவளிக்கு இன்னும் சில நாள்களே உள்ள நிலையில் பொதுத்துறை நிறுவனங்களில் பணிபுரியும் ஊழியர்களுக்கு தமிழக அரசு போனஸ் அறிவிப்பு வெளியிட்டுள்ளது.

அதிமுக ஆட்சியில் 2018, 2019ஆம் ஆண்டுகளில் லாபம் ஈட்டும் பொதுத்துறை நிறுவனங்களில் பணியாற்றும் ஊழியர்களுக்கு குறைந்தபட்ச போனஸ், கருணைத் தொகை என 20 சதவீதம் தீபாவளி போனஸ் வழங்கப்பட்டது. நஷ்டத்தில் இயங்கும் நிறுவனங்களுக்கு 10 சதவீதம் போனஸ் வழங்கப்பட்டது.

கடந்த ஆண்டு கொரோனா பொது முடக்கத்தால் சில மாதங்கள் பல்வேறு நிறுவனங்கள் இயங்காமல் இருந்தன. அதனால் கடந்த ஆண்டு அதிகபட்சமாக 10 சதவீதம் போனஸ் தான் வழங்கப்பட்டது.
ஸ்வீட் பாக்ஸ் ஊழல்? டெண்டர் விதிகளை மாற்றி விளையாடிய அமைச்சர் மகன்!
இந்த ஆண்டுக்கான தீபாவளி போனஸ் எப்போது அறிவிக்கப்படும், எவ்வளவு அறிவிக்கப்படும் என்ற எதிர்பார்ப்பு அனைத்து அரசு ஊழியர்கள் மத்தியிலும் எழுந்துள்ளது. திமுக பத்தாண்டுகளுக்குப் பின்னர் ஆட்சிக்கு வந்துள்ளது, மு.க.ஸ்டாலின் முதன்முறையாக முதல்வராக பதவியேற்றுள்ளார். திமுக ஆட்சியில் அரசு ஊழியர்களுக்கு எப்போதும் அதிக சலுகைகள் வழங்கப்படும் என்ற பேச்சு மக்கள் மத்தியில் நிலவுகிறது.

எனவே தமிழக அரசின் போனஸ் அறிவிப்பு எதிர்பார்ப்பை ஏற்படுத்தியிருந்தது. இந்நிலையில் இன்று அதிகாரபூர்வ அறிவிப்பை தமிழக அரசு வெளியிட்டுள்ளது.

அந்த வகையில் பொதுத்துறை நிறுவனங்களில் பணிபுரியும் சி, டி பிரிவு ஊழியர்களுக்கு 10 சதவீதம் போனஸ் அறிவிக்கப்பட்டுள்ளது. 8.33 போனஸ், 1.67 சதவீதம் கருணைத் தொகை என 10 சதவீதம் தீபாவளி போனஸ் வழங்கப்படுகிறது.
ஊரடங்கில் என்னென்ன தளர்வுகள்? முதல்வர் எடுக்கும் முக்கிய முடிவு!
2 லட்சத்து 87 ஆயிரத்து 250 தொழிலாளர்கள் இதன் மூலம் பயன்பெறுவார்கள். இதற்காக 216 கோடியே 38 லட்சம் ரூபாய் ஒதுக்கீடு செய்யப்படுவதாக முதல்வர் மு.க.ஸ்டாலின் அறிவித்துள்ளார்.