மதுரை: அடடே, நீங்களும் புரோட்டா மாஸ்டர் ஆகலாம்!

சமையற்கலையைக் கற்பிக்க பல்வேறு பயிற்சி மையங்கள், டிப்ளமோ படிப்புகள் உள்ளன. இதில் தேறியவர்கள் ஸ்டார் ஹோட்டல்களிலும், கப்பல்களிலும் பணியாற்றிவருகின்றனர்.

இருப்பினும் தமிழ்நாட்டில் உள்ள நகர்ப்புற, கிராமப்புற உணவகங்களில் பணியாற்றும் மாஸ்டர்கள், ஏதேனும் ஒரு மாஸ்டரிடம் தொழில் கற்று தங்கள் பணியை மேற்கொள்கின்றனர்.

தமிழ்நாட்டில் தற்போது கிராமம், நகரம் வித்தியாசம் இல்லாமல் புரோட்டா கடைகள் முளைத்துள்ளன. அதே சமயம் புரோட்டா மாஸ்டர்களுக்கான தேவையும் அதிகரித்துள்ளது. இந்நிலையில் மதுரை, கூடல்நகருக்கு அருகேயுள்ள சிக்கந்தர் சாவடியில் நீண்டகாலமாக முகமது காசிம் குடும்பத்தினர் புரோட்டா கடை நடத்திவருகின்றனர்.

புரோட்டா மாஸ்டர்களுக்கான தேவை அதிகரித்துள்ளதால் புரோட்டா பயிற்சி மையம் தொடங்கியுள்ளார். சைவ புரோட்டா, அசைவ புரோட்டா, பன் புரோட்டா, வீச்சு புரோட்டா ஆகியவற்றுடன் கிரேவி, குருமா வைக்கவும் கற்றுத்தருகிறார்.

ஒருவழியா ஏய்ம்ஸ் கட்டும் பணி தொடங்கியாச்சு

புரோட்டா மாஸ்டர்களுக்கு ஒரு நாளுக்கு 800 ரூபாய் முதல் 1200 ரூபாய் வரை சம்பளம் வழங்கப்படுவதால் பலரும் ஆர்வம் காட்டுகின்றனர்.

கவுண்டவுன் ஸ்டார்ட்: விண்ணில் பறக்கத் தயாராகும் பிஎஸ்எல்வி சி-47

அதேவேளையில் புரோட்டா சாப்பிடுவது உடல் நலத்திற்கு தீங்கானது என்று மருத்துவர்கள் கூறிவருகின்றனர். புரோட்டா எதிர்ப்பு இயக்கமும் தமிழ்நாட்டில் செயல்பட்டு வருகிறது.

சேலம்: சிறுவனின் துண்டான கையை இணைத்து அரசு மருத்துவர்கள் சாதனை!