எந்த ஊருக்கெல்லாம் மழை? உங்க ஊர் லிஸ்டுல இருக்கான்னு பாருங்க!

தென்மேற்கு வங்கக் கடல் மற்றும் அதனை ஒட்டிய இலங்கை கடல் பகுதியில் 3.1 முதல் 4.5 கிலோமீட்டர் இடைப்பட்ட உயரத்தில் வளிமண்டல மேலடுக்கு சுழற்சி நிலவுகிறது.

அடுத்த 24 மணிநேரத்திற்கு தென் கடலோர மாவட்டங்கள், தஞ்சாவூர், திருவாரூர், நாகப்பட்டினம், மயிலாடுதுறை, கடலூர் மாவட்டங்கள் மற்றும் புதுவை, காரைக்கால், பகுதிகளில் ஒரு சில இடங்களில் லேசான முதல் மிதமான மழையும், மற்றும் உள் மாவட்டங்களில் ஓரிரு இடங்களில் லேசான மழையும் பெய்யக்கூடும் என தெரிவிக்கப்பட்டுள்ளது.

டிசம்பர் 30, 31 ஆகிய தேதிகளில் கடலோர மாவட்டங்கள், புதுவை, காரைக்கால், பகுதிகளில் ஒருசில இடங்களில் மிதமான மழையும், அதனை ஒட்டிய உள் மாவட்டங்களில் லேசான மழையும் பெய்யக்கூடும் என குறிப்பிடப்பட்டுள்ளது.

ஏன் ரஜினியும் கமலும் கருணாநிதியை தேர்ந்தெடுக்கவில்லை? இதுதான் காரணம்!

ஜனவரி 1, 2 ஆகிய தேதிகளில் தமிழக கடலோர மாவட்டங்கள், புதுவை, காரைக்கால் பகுதிகளில் ஓரிரு இடங்களில் லேசான முதல் மிதமான மழை பெய்யக்கூடும்.

சென்னை மற்றும் புறநகர் பகுதிகளைப் பொறுத்தவரை அடுத்த 24 மணி நேரத்திற்கு வானம் பொதுவாக மேகமூட்டத்துடன் காணப்படும். அதிகபட்ச வெப்பநிலை 30 டிகிரி செல்சியஸ், குறைந்தபட்ச வெப்பநிலை 24 டிகிரி செல்சியஸை ஒட்டி இருக்கும்.

ஜனவரியில் பள்ளிகள் திறப்பு உறுதி: பிடிவாதம் காட்டும் அரசு!

அடுத்த 48 மணி நேரத்திற்கு வானம் பொதுவாக மேகமூட்டத்துடன் காணப்படும். நகரின் சில பகுதிகளில் லேசான மழை பெய்யக்கூடும். அதிகபட்ச வெப்பநிலை 30 டிகிரி செல்சியஸ், குறைந்தபட்ச வெப்பநிலை 24 டிகிரி செல்சியஸை ஒட்டி இருக்கும்.

ரஜினி கட்சி தொடங்கவில்லை: மன்னிப்பு கேட்டார்!

கடந்த 24 மணி நேரத்தில் அதிகபட்சமாக குழித்துறையில் (கன்னியாகுமரி) 1 சென்டி மீட்டர் மழை பதிவாகியுள்ளது.

மீனவர்களுக்கான எச்சரிக்கை டிசம்பர் 31 முதல் ஜனவரி 02 வரை குமரிக்கடல் பகுதிகளில் பலத்த காற்று மணிக்கு 40 முதல் 50 கிலோமீட்டர் வேகத்தில் வீசக்கூடும்.