​KC Veeramani: அடேங்கப்பா, இவ்ளோ சேர்த்துட்டாரா? கே.சி.வீரமணி எஃப்.ஐ.ஆர் தகவல்கள்!

2016 - 2021 அதிமுக ஆட்சியில் வணிகவரி மற்றும் பத்திரப் பதிவுத்துறை அமைச்சராக இருந்தவர் கே.சிவீரமணி.

இவருக்கு சொந்தமான 28 இடங்களில் லஞ்ச ஒழிப்புத்துறை அதிகாரிகள் இன்று காலை முதல் சோதனை மேற்கொண்டு வருகின்றனர். சென்னை, ஜோலார்பேட்டை, திருப்பத்தூர் ஆகிய இடங்களிலும் திருவண்ணாமலை மாவட்டம் குருவிமலை கிராமத்தில் உள்ள வீரமணியின் உறவினர்கள் வீடுகளிலும் சோதனை நடத்தப்பட்டு வருகிறது.

அதேபோல அதிமுக ஒன்றிய செயலாளர் கர்ணல் வீட்டிலும் சோதனை நடைபெறுகிறது. இவர் வீரமணிக்கு பினாமி என கூறப்படும் நிலையில் அவரது வீட்டிலும் சோதனை நடத்தப்படுகிறது.

தினகரன் வீட்டு விசேஷம்: குடும்பத்தை இணைக்கும் சசிகலா

கே.சி வீரமணி வீட்டில் ரெய்டு நடத்தப்படுவதை கண்டித்து அவரது வீட்டின் முன்பு அதிமுகவினர் ஆர்ப்பாட்டத்தில் ஈடுபட்டு வருகின்றனர்.

வருமானத்திற்கு அதிகமாக ரூ.90 கோடி சொத்து சேர்த்ததாக கே.சி வீரமணி மீது லஞ்ச ஒழிப்புத்துறை சொத்துக்குவிப்பு வழக்கு பதிவு செய்துள்ளது. இந்த நிலையில், அவர் மீது பதியப்பட்ட முதல் தகவல் அறிக்கை விவரங்கள் வெளியாகி இருக்கின்றன.
முதல் தகவல் அறிக்கை2016 முதல் 2021 வரை அவரது சொத்து மதிப்பு ரூ.1.83 கோடிக்கு மிகாமல் இருந்திருக்க வேண்டும். ஆனால் 28 கோடியே 78 லட்சத்து 13ஆயிரத்து 758 ரூபாய் அளவுக்கு கே.சி.வீரமணி சொத்துக்கள் வாங்கியுள்ளார். 5 ஆண்டுகளில் வருமானத்திற்கு அதிகமாக 654 சதவீதம் சொத்து சேர்த்துள்ளார் என்று முதல் தகவல் அறிக்கையில் குறிப்பிடப்பட்டுள்ளது.