ஆப்நகரம்

ஜெயலலிதா மரண விசாரணையில் அப்போலோ மருத்துவமனைக்கு கடும் எச்சரிக்கை!

அப்பல்லோ மருத்துவமனைக்கு ஆறுமுகசாமி விசாரணை ஆணையம் எச்சரிக்கை விடுத்துள்ளது.

Samayam Tamil 6 Sep 2018, 7:01 pm
சென்னை: அப்பல்லோ மருத்துவமனைக்கு ஆறுமுகசாமி விசாரணை ஆணையம் எச்சரிக்கை விடுத்துள்ளது.
Samayam Tamil Arumugasamy


மறைந்த முன்னாள் முதலமைச்சர் ஜெயலலிதாவின் மரணத்தில் பல்வேறு சர்ச்சைகள் எழுந்தன. இதையடுத்து ஓய்வு பெற்ற நீதியரசர் ஆறுமுகசாமி தலைமையில் விசாரணை ஆணையம் அமைக்கப்பட்டது.

இதன்மூலம் பல்வேறு நபர்களுக்கு சம்மன் அனுப்பி, நேரில் ஆஜர்படுத்தப்பட்டு விசாரித்து வருகின்றனர். இந்த வகையில், ஜெயலலிதா அனுமதிக்கப்பட்டிருந்த அப்போலோ மருத்துவமனை மருத்துவர்களிடமும் விசாரிக்கப்பட்டது.

கடந்த முறை நடைபெற்ற விசாரணையின் போது, சில மருத்துவர்கள் கலந்து கொள்ளவில்லை. இதனால் அதிருப்தி அடைந்த விசாரணை ஆணையம் மருத்துவமனை நிர்வாகத்தைக் கண்டித்துள்ளது.

ஜெயலலிதா சிகிச்சைக்காக கோடிக்கணக்கில் கட்டணம் பெற்றுக் கொண்டு, விசாரணைக்கு ஒத்துழைக்க மறுப்பதா என்று குற்றம்சாட்டியுள்ளது. இந்த வழக்கில் அப்போலோ மருத்துவமனையில் இருந்து இன்னும் 6 பேர் ஆஜராக வேண்டும்.

அவர்கள் வரவில்லை என்றால், சட்டப்படி நடவடிக்கை எடுக்கப்படும் என்று ஆறுமுகசாமி விசாரணை ஆணையம் எச்சரிக்கை விடுத்துள்ளது.

Action should be taken if not co-operate Apollo in Jayalalitha case.

அடுத்த செய்தி