தீவிரவாதி நிதி குடுத்தாலும் முதல்வர் போஸ் தருவாரா? கொந்தளித்த கஸ்தூரி

தமிழ் யூ டியூப் சேனல் பிரபலங்கள் சிலர் முதல்வர் ஸ்டாலினை கூட்டாக சென்று சந்தித்து பொது நிவாரண நிதிக்கு நிதி வழங்கியதாக கூறப்படுகிறது. அப்போது, முதல்வருடன் அவர்கள் புகைப்படம் எடுத்துக்கொண்டு அது இணையத்தில் வெளியாகியுள்ளது. அதில் இருக்கும் யூ டியூபர்கள் சிலர் சர்ச்சைக்கு பேர் போனவர்கள். பாஜகவை கிண்டலடித்து திராவிட கொள்கையை பேசி வருபவர்கள் மட்டுமின்றி ஆபாச வார்த்தைகளையே அடிக்கடி பயன்படுத்தி வீடியோ போடுபவர்களும் இருந்தனர்.

அந்த புகைப்படத்தை பார்த்ததும் கடுப்பான நடிகை கஸ்தூரி ''விளம்பரம் மற்றும் ஊடகங்களை முதல்வர் ஸ்டாலின் புத்திசாலித்தனமாக கையாளுவதாக ட்வீட் செய்துள்ளார். மேலும், அந்த ட்வீட்டில், '' இதுதான் புதிய தலைமுறையின் தீப்பொறி ஆறுமுகங்கள் ஆட்சேர்ப்போ? இந்த நபர்களில் சிலரை பற்றி உண்மையில் முதல்வருக்கு தெரியாது. திமுக குப்பைகளை ஊக்குவிக்கிறது'' என கூறியிருந்தார்.

கஸ்தூரியின் அந்த ட்வீட்டை பார்த்து கடுப்பான திமுகவைச் சேர்ந்த நடிகை மற்றும் மருத்துவருமான ஷர்மிளா '' கேள்வி கேட்பவர்கள்… உண்னமயை பேசுபவர்கள் … இவங்க பார்வையில் ரப்பிஷ்ஷாம்ல..
இவர்கள் அனைவரும் தங்கள் சேனல்கள் மூலம் முதல்வரின் நிதிக்கு உதவியவர்கள். நீங்க என்ன மேடம் செஞ்சிருக்கீங்க? இப்படி வெட்டியா பதிவு போடுவதை தவிர'' என கேள்வி கேட்டுள்ளார்.


டெல்டா மாவட்டங்களில் கனமழை: வானிலை ஆய்வு மையம் தகவல்

அதற்கு பதிலளித்து ட்வீட் போட்ட கஸ்தூரி ''கெட்ட வார்த்தை உங்களுக்கு கேள்வி கேட்பதாய் தெரிகிறதா? ganrape joke சொல்வதுதான் உண்மை பேசுற லட்சணமா? நாளைக்கு தாவூத், பின் லாடன் நிதி குடுத்தாலும் வாங்கிட்டு முதல்வர் போஸ் தருவாரா? நிதி கொடுத்தால் யாரை வேண்டுமானாலும் வரவேற்போம் என்பது உங்களுக்கு சாதாரணமா என்னவோ. எனக்கு அப்படி இல்லை'' என கூறியியுள்ளார். நடிகை கஸ்தூரியும், நடிகை ஷர்மிளாவும் ட்விட்டரில் ஆக்டிவாக இருந்து வருகின்றனர். பாஜகவினரை தொடர்ந்து கிண்டலடித்தும், திமுகவுக்கு ஆதரவு தெரிவித்தும் நடிகை ஹர்மிளா ட்வீட்டி வரும் நிலையில், நடிகை கஸ்தூரிக்கும் இவருக்கும் ஏற்பட்டு கருத்து போர் நெட்டிசன்களுக்கு என்டெர்டெய்ன்மெண்டாகி உள்ளது.