எலும்பு முறிவு நோயால் அவதிப்படும் சிறுமியின் சிகிச்சைக்காக பண உதவி செய்த விஜய் ரசிகர்கள்

எலும்பு முறிவு பாதிப்பால் அவதியுற்று வரும் கிருஷ்ணகிரி மாவட்ட ஆட்டோ ஓட்டுநர் மகள் தீபிகாவுக்கு, நடிகர் விஜய்யின் மக்கள் இயக்கம் மன்ற நிர்வாகிகள் ரூ. 25,000 சிகிச்சைக்காக வழங்கி உதவி செய்தனர்.

கிருஷ்ணகிரியை சேர்ந்த ஆட்டோ ஓட்டுநர் ஒருவரது மகளுக்கு எலும்பு முறிவு நோய் பாதிப்பு ஏற்பட்டுள்ளது. சிறுமியின் சிகிச்சைக்காக பெற்றோர்கள் பணமின்றி தவித்து வரும் செய்தி பல ஊடகங்களில் வெளியானது.

இதை அறிந்த நடிகர் விஜய்யின் மக்கள் இயக்க நிர்வாகிகள் சிலர், சிறுமியின் குடும்பத்தாரை சந்தித்து ரூ. 25,000 பண உதவி செய்தனர். இதனால் நெகிழ்ச்சி அடைந்த சிறுமியின் தந்தை, நடிகர் விஜய்க்கும் அவரது மக்கள் இயக்க நிர்வாகிகளுக்கும் நன்றி தெரிவித்தார்.

நடிகர் மக்கள் மன்ற இயக்க நிர்வாகிகள், கஜா புயல் பாதிப்பு ஏற்பட்ட போதும், கேரளாவில் ஏறபட்ட பேரழிவின் போதும் அதில் பாதிக்கபப்ட்ட மக்களுக்கு அடிப்படை உதவிகளை செய்தனர். குறிப்பாக கஜா புயலின் பாதிக்கப்பட்ட தமிழக பகுதிகளுக்கு சென்று அவர்கள் நிவாரண உதவிகளை செய்தது ஊடகங்களில் செய்தியாக வெளியிடப்பட்டுள்ளது.