Karunanidhi: கருணாநிதி உடல்நிலை குறித்து விசாரிக்க காவிரி மருத்துவமனைக்கு நடிகர் விஜய் வருகை

திமுக தலைவர் கருணாநிதியின் உடல் நிலைகுறித்து விசாரிக்க நடிகர் விஜய் இன்று காவிரி மருத்துவமனைக்கு வருகை தந்தார்.

திமுக தலைவராக 50வது ஆண்டில் அடியெடுத்து வைத்துள்ள கருணாநிதிக்கு, கடந்த சில தினங்களுக்கு முன் உடல்நலம் பாதிக்கப்பட்டு, காவேரி மருத்துவமனையில் அனுமதிக்கப்பட்டுள்ளார். மருத்துவமனையில் அவருக்கு தீவிர சிகிச்சை அளிக்கப்பட்டு வரும் நிலையில், பல்வேறு அரசியல் கட்சி தலைவர்களும் மருத்துவமனைக்கு வந்து கருணாநிதியின் உடல்நிலை குறித்து விசாரித்துச் செல்கின்றனர்.

நேற்றையதினத்தில் காங்கிரஸ் கட்சித்தலைவர் ராகுல் காந்தி காவிரி மருத்துவமனைக்கு வந்திருந்தார். அவர் கருணாநிதியை சந்தித்து நலம் விசாரித்தார். ராகுல் காந்தி கருணாநிதியை சந்தித்தபிறகுஅதிகாரப்பூர்வ புகைப்படம் வெளியானது. அதில் மு.க.ஸ்டாலின் கருணாநியிடம் பேசுகிறார், பக்கத்தில் ராகுல் நின்று நலம் விசாரிக்கிறார்.

இதனைத்தொடர்ந்து கருணாநிதியின் உடல்நிலை குறித்து காவிரி மருத்துவமனை அறிக்கை வெளியிட்டது. இந்த அறிக்கையில் கருணாநிதி உடல்நிலை சீராக இருப்பதாகவும்,சில நாட்கள் மட்டும் மருத்துவமனையில் தங்கிவிட்டு செல்லவேண்டும் என்று கூறப்பட்டிருந்தது.

இந்நிலையில் இன்று நடிகர் விஜய் காவிரி மருத்துவமனைக்கு,கருணாநிதியின் உடல் நிலை குறித்து விசாரிக்க வந்திருந்தார் . மு.க.ஸ்டாலிடனிடம் அவர் உடல் நிலை குறித்து கேட்டரிந்தார். அதன்பிறகு மருத்துவமனையின் பின்வாசல் வழியாக புறப்பட்டு சென்றுவிட்டார்.