உடல்நலக்குறைவால் அறுவை சிகிச்சைக்கு தயாராகும் குஷ்பு; அனைத்து நிகழ்ச்சிகளும் ரத்து!

சென்னை: நடிகை குஷ்பு உடல்நலக்குறைவு காரணமாக, அறுவை சிகிச்சைக்காக மருத்துவமனைகளில் அனுமதிக்கப்பட உள்ளார்.

காங்கிரஸ் கட்சியின் தேசிய செய்தித் தொடர்பாளரும், நடிகையுமான குஷ்பு வயிற்று வலி ஏற்பட்டு வருகிறது. இதனால் தான் பங்கேற்கும் அனைத்து நிகழ்ச்சிகளையும் ரத்து செய்துள்ளார். கடந்த சில நாட்களுக்கு முன்பு, சென்னை பட்டினம்பாக்கத்தில் உள்ள அவரது இல்லத்தில் வழுக்கி விழுந்தார்.

அப்போது கணுக்காலில் காயம் ஏற்பட்டது. இதற்காக சிகிச்சை பெற்று வந்தார். இதனைத் தொடர்ந்து மருத்துவமனையில் அனுமதிக்கப்பட்டு, காலில் அறுவை சிகிச்சை செய்ய உள்ளதாக தகவல் வெளியானது. இதுகுறித்து குஷ்புவிடம் செய்தியாளர்கள் கேள்வி கேட்ட போது, கடந்த ஒரு மாதமாக கணுக்கால் வீக்கம் இருப்பதால் சிகிச்சை பெற்று வருவதாக குறிப்பிட்டார்.

மேலும் வயிற்றில் ஏற்பட்ட சிறு கட்டிக்கு அறுவை சிகிச்சை தேவை என்று கூறியதால், அதற்கு தயாராகி வருவதாக தெரிவித்தார். அதற்காக வரும் 4ஆம் தேதி ஆபரேஷன் செய்யவுள்ளதாக குஷ்பு கூறினார். மருத்துவ சிகிச்சை காரணமாக, நவம்பர் 4,8,17 தேதிகளில் குஷ்பு பங்கேற்கும் நிகழ்ச்சிகள் ரத்து செய்யப்பட்டுள்ளது.

Actress Khushbu will go for treatment soon.