டெண்டர் கொடுக்க 30 சதவீதம் கமிஷன் கேட்ட அதிமுக எம்.எல்.ஏ

சமயபுரம் மாரியம்மன் கோவிலில் மின் விளக்கு கோபுரம் அமைக்கும் டெண்டரைப் பெற, 30 சதவீதம் கமிஷன் கேட்டு அதிமுக எம்.எல்.ஏ மணிகண்டன் என்ற நபரை மிரட்டிய ஆடியோ ஆதாரம் இணைத்தில் வெளியாகி கடும் பரபரப்பை ஏற்படுத்தி வருகிறது.

திருச்சி மாவட்டம், சமயபுரம் மாரியம்மன் உள்ளிட்ட கோயில்களுக்கு, 22 லட்ச ரூபாய் செலவில் மின்விளக்கு கோபுரம் அமைக்க, கோயில் நிர்வாகம் டெண்டர் விடுத்தது.

இந்த ஒப்பந்தத்தை எடுக்க திருச்சியில் உள்ள மணிகண்டன் என்ற ஒப்பந்ததாரர் விண்ணப்பித்துள்ளார்.
இந்த ஒப்பந்தத்தை பெற மணச்சநல்லூர் தொகுதி எம்எல்ஏ பரமேஸ்வரி முருகனை சந்தித்து பேச வேண்டும் என்று கோவிலின் இணை ஆணையர் குமரதுரை கூறியுள்ளார். மணிகண்டன், எம்.எல்.ஏ பரமேஸ்வரி முருகனை தொலைபேசியில் தொடர்புகொண்டபோது அவர் 30 சதவீதம் கமிஷன் கேட்டுள்ளார்.

இதற்கான ஆடியோ ஆதாரத்தையும் ஒப்பந்ததாரர் மணிகண்டன் இணையுத்தில் வெளியிட்டுள்ளார். மின்விளக்கு கோபுரம் அமைக்க எம்எல்ஏ கமிஷன் கேட்டதாக வெளியான தகவல் பொதுமக்களிடையே கடும் அதிர்ச்சியை ஏற்படுத்தியுள்ளது.