அதிமுக புதிய நிர்வாகிகள் நியமனம்

சென்னை: அதிமுக-வின் பொதுச் செயலாளராக சசிகலா பொறுப்பேற்ற பின், முதன்முறையாக அக்கட்சியில் புதிய நிர்வாகிகள் நியமனம் செய்யப்பட்டுள்ளனர்.

அதிமுக பொதுச் செயலாளராகவும், தமிழக முதல்வராகவும் இருந்த ஜெயலலிதா கடந்த ஆண்டு டிசம்பர் மாதம் காலமானார். அதனையடுத்து, தமிழக முதல்வராக ஓ.பன்னீர்செல்வம் பொறுப்பேற்றார். அதேபோல், அதிமுக-வின் பொதுச்செயலாளர் ஜெயலலிதாவின் தோழியான சசிகலா பொறுப்பேற்றார்.

இந்நிலையில், அதிமுக-வின் பொதுச் செயலாளராக சசிகலா பொறுப்பேற்ற பின், முதன்முறையாக அக்கட்சியில் புதிய நிர்வாகிகள் நியமனம் செய்யப்பட்டுள்ளனர்.

அதன்படி, அதிமுக அமைப்புச் செயலாளர்களாக செங்கோட்டையன் , கருப்பசாமி பாண்டியன், சைதை துரைசாமி, கோகுல இந்திரா, உமாதேவன், எஸ்.அன்பழகன் ஆகியோரும், அக்கட்சியின் கொள்கைபரப்பு செயலாளராக நயினார் நாகேந்திரனும் நியமனம் செய்யப்பட்டுள்ளனர்.

அதிமுக பொதுச் செயலாளராக சசிகலா பொறுப்பேற்பதற்கு கட்சியினர் பலர் ஆதரவு தெரிவித்து வந்தது போல், பலர் எதிர்ப்பும் தெரிவித்து வந்தனர். அவர்களை சரிகட்ட கட்சியில் புதிய பொறுப்புகள் அமைக்கப்படும் என ஏற்கனவே தகவல்கள் வெளியாகியது என்பது குறிப்பிடத்தக்கது.
ADMK new Executives appointed