எடப்பாடி பழனிசாமி ட்விட்டரில் செய்த மாற்றம்: இனிமே இப்படி தான்!

எடப்பாடி பழனிசாமி ட்விட்டர் பக்கத்தில், தனது பொறுப்பை 'தலைமையகச் செயலாளர்' என மாற்றியுள்ளார்.

அதிமுகவில் உட்கட்சிப் பிரச்சினைகள் வேகமெடுத்து வருகின்றன. ஜூன் 23ஆம் தேதி நடைபெற்ற பொதுக்குழுவில் அனைத்து தீர்மானங்களும் புறக்கணிக்கப்பட்ட நிலையில் ஒருங்கிணைப்பாளர்களின் பதவிகள் காலாவதியாகிவிட்டதாக எடப்பாடி பழனிசாமி தரப்பினர் கூறிவருகின்றனர்.

ஆனால் ஓபிஎஸ்ஸோ தன்னை ஒருங்கிணைப்பாளர் என்றே பதிவு செய்து வருகிறார். இந்நிலையில், உள்ளாட்சித் தோ்தலில் அதிமுக வேட்பாளா்களுக்கான படிவத்தில் கையெழுத்திடுவது குறித்து அதிமுக ஒருங்கிணைப்பாளா் ஓ.பன்னீா்செல்வம், இணை ஒருங்கிணைப்பாளா் எடப்பாடி பழனிசாமிக்கு புதன்கிழமை ஒரு கடிதம் எழுதினார்.

முதல்வர் ஸ்டாலின் கதவை தட்டிய ஓபிஎஸ்: டீலா நோ டீலா?

அதற்கு நேற்று பதில் கடிதம் அனுப்பிய எடப்பாடி பழனிசாமி, பொதுக்குழுவில் சட்டத்திருத்தங்கள் அங்கீகரிக்கப்படாததால் ஒருங்கிணைப்பாளர் பதவி காலாவதியாகிவிட்டதாகவும் உங்கள் கடிதம் செல்லத்தக்கது அல்ல என்று குறிப்பிட்டார்.

இந்த சூழ்நிலையில் எடப்பாடி பழனிசாமி தனது ட்விட்டர் பக்கத்தில் உள்ள சுய விவரக் குறிப்பில் 'அதிமுக இணை ஒருங்கிணைப்பாளர்' என்ற பொறுப்பை 'தலைமையகச் செயலாளர்' என மாற்றியுள்ளார்.

உதயநிதிக்கு அமைச்சர் பதவி? ஸ்டாலின் கேட்டு வாங்கிய ரிப்போர்ட்!

அதிமுகவில் இணை ஒருங்கிணைப்பாளர் பதவி காலாவதியாகிவிட்டதாக அவர் கூறிவந்தபடியே தனது பொறுப்பை மாற்றிக் கொண்டுள்ளார்.

மறைந்த ஜெயலலிதா அதிமுக பொதுச் செயலாளராக பதவி வகித்தபோது, எடப்பாடி பழனிசாமி தலைமை அலுவலகச் செயலாளராகவும் ஓ.பன்னீர் செல்வம் பொருளாளராகவும் இருந்தது குறிப்பிடத்தக்கது.