அதிமுக - பாஜக கூட்டணி தொடருமா? அமித் ஷாவை சந்திக்கும் எடப்பாடி பழனிசாமி

அதிமுக பொதுச் செயலாளர் எடப்பாடி பழனிசாமி ஒன்றிய உள்துறை அமைச்சர் அமித் ஷாவை ஏப்ரல் 27ஆம் தேதி சந்தித்து பேச உள்ளதாக தகவல் வெளியாகியுள்ளது.

எடப்பாடி பழனிசாமி ஏப்ரல் 26ஆம் தேதி டெல்லி கிளம்பி செல்லும் நிலையில் ஏப்ரல் 27ஆம் தேதி காலை அமித் ஷாவை சந்திக்க நேரம் கேட்கப்பட்ட நிலையில் உள்துறை அமைச்சர் தரப்பில் அனுமதி தரப்பட்ட நிலையில் இந்த சந்திப்பு நிகழ உள்ளது.

அதிமுக உட்கட்சி மோதல், அதிமுக - பாஜக கூட்டணி விவகாரம் ஆகியவை குறித்து இந்த சந்திப்பில் பேச உள்ளதாக தகவல் வெளியாகியுள்ளது.

அதிமுக உட்கட்சி மோதல் எழுந்த நிலையில் உச்ச நீதிமன்றம், உயர் நீதிமன்றம் ஆகியவற்றில் எடப்பாடி பழனிசாமிக்கு சாதகமான தீர்ப்பே கிடைத்தது. பொதுச் செயலாளராக தேர்ந்தெடுக்கப்பட்ட எடப்பாடி பழனிசாமியை அங்கீகரிக்காமல் இருந்த தேர்தல் ஆணையமும் நேற்று முன் தினம் அங்கீகரித்தது. இதனால் கர்நாடக சட்டமன்றத் தேர்தலில் அதிமுக வேட்பாளர் களமிறங்குவதில் சிக்கல் இல்லை.
ரமலான் பண்டிகை: இஸ்லாமிய குடும்பங்களுக்கு முதல்வர் வழங்கிய நலத்திட்ட உதவிகள்!
அதிமுக பொதுச் செயலாளராக தேர்ந்தெடுக்கப்பட்ட பின்னர் எடப்பாடி பழனிசாமி முதன்முறையாக டெல்லி செல்வதால் இது முக்கியத்துவம் வாய்ந்ததாக பார்க்கப்படுகிறது.

தமிழ்நாடு பாஜக தலைவர் அண்ணாமலை தொடர்ந்து தனித்து போட்டியிடுவது குறித்து பேசிவருகிறார். அதுமட்டுமல்லாமல் அதிமுகவையும் அவ்வப்போது விமர்சித்து வருகிறார். அமித் ஷா உள்ளிட்டவர்கள் அதிமுகவுடனான கூட்டணி தொடர்கிறது என்று கூறி வரும் நிலையில் அண்ணாமலையின் கருத்து முன்னுக்குப் பின் முரணாக இருந்து வருகிறது.
எடப்பாடிக்காக வளைக்கப்பட்ட நிபந்தனைகள்: நீதிமன்றத்தில் ஓபிஎஸ் தரப்பு வாதம்!
அண்ணாமலை குறித்து எந்த கேள்வியும் என்னிடம் கேட்காதீர்கள் என்று எடப்பாடி பழனிசாமி செய்தியாளர்கள் சந்திப்பில் வெளிப்படையாக பேசினார். இந்நிலையில் டெல்லி செல்லும் எடப்பாடி பழனிசாமி கூட்டணி நிலைப்பாடு குறித்தும் பேசுவார் என்கிறார்கள்.