இனி சிங்கப்பூருக்கு தினசரி விமானச் சேவை; அதுவும் நம்ம மதுரையில் இருந்து!

மதுரை: ஏர் இந்தியா நிறுவனம், மதுரை டூ சிங்கப்பூர் விமானச் சேவையை தினசரி இயக்கவுள்ளது.

தமிழ்நாட்டின் 3வது பெரிய நகரமாக திகழ்வது மதுரை. இங்கிருந்து துபாய், இலங்கை, சிங்கப்பூர் உள்ளிட்ட நாடுகளுக்கு விமான சேவை உள்ளது.

சிங்கப்பூர் செல்லும் விமானச் சேவையை ஏர் இந்தியா நிறுவனம் வழங்கி வருகிறது. வாரத்தில் திங்கள், புதன், வெள்ளி, சனி ஆகிய 4 நாட்கள் டெல்லியில் இருந்து மதுரைக்கு இரவு 10.15க்கு விமானம் வந்து சேருகிறது.

அங்கிருந்து 11.15 மணியளவில் சிங்கப்பூர் புறப்பட்டு செல்கிறது. மீதமுள்ள நாட்களில் சிங்கப்பூர் விமானச் சேவை இல்லாமல் இருந்தது.

இந்த சூழலில் வரும் 27ஆம் தேதி முதல், செவ்வாய், வியாழன், ஞாயிற்றுக்கிழமைகளில் கொச்சியில் இருந்து மதுரைக்கு பகல் 11.15க்கு விமானம் வந்து சேருகிறது.

பின்னர் 12.15 மணியளவில் சிங்கப்பூர் புறப்பட்டு செல்கிறது. இதன்மூலம் வாரத்தின் 7 நாட்களும் மதுரை டூ சிங்கப்பூர் விமானச் சேவை பூர்த்தியாகிறது.

இந்த விமான சேவையால் அருகிலுள்ள தென் மாவட்ட மக்கள் பெரிதும் பயன்பெறுவர்.

Air India will operate daily flight service from Madurai to Singapore.