புவனேஷ்வர், பெங்களூருக்கு சென்னையில் இருந்து தினசரி விமான சேவை!

கோயம்புத்தூர்: சென்னையிலிருந்து பெங்களூர் மற்றும் புவனேஷ்வர் நகரங்களுக்கு தினசரி விமான சேவைகளை செயல்படுத்த உள்ளதாக ஏர் ஏசியா நிறுவனம் தெரிவித்துள்ளது.

இது குறித்து தெரிவித்த அந்நிறுவனத்தின் தலைவர் அமர் அப்ரோல்,” சென்னை –பெங்களூர்- புவனேஷ்வர் நகரங்களுக்கு இடையே விமான சேவையை செயல்படுத்துவது உள்நாட்டு/கலாச்சாரம் சார்ந்த சுற்றுலா சார்ந்த சந்தைக்கு வழிவகுக்கும்” என்று கூறியுள்ளார்.

இதன்படி, வரும் பிப்ரவரி 24 ஆம் தேதி முதல் சென்னை- பெங்களூர் வழித்தடங்களில் தினமும் 3 விமானங்கள் இயக்கப்படும் எனவும், சென்னை-புவனேஸ்வர் வழித்தடங்களில் தினமும் 2 விமானங்கள் இயக்கப்படும் எனவும் தெரிவிக்கப்பட்டுள்ளது. இந்த விமானங்களில் டிக்கெட் விலை ரூ.1,299 இலிருந்து ரூ.2,699 வரை இருக்கும் என தெரிவிக்கப்பட்டுள்ளது.

முன்னதாக ஏர் ஏசியா நிறுவனத்தின் சார்பாக, கோலாலம்பூர் மற்றும் பாங்காக் ஆகிய நகரங்களுக்கு நேரடி விமானங்கள் சென்னையிலிருந்து இயக்கப்படுகின்றன என்பது குறிப்பிடத்தக்கது.