Sarkar: விஜய் ஒரு சினிமா வியாபாரி- அமைச்சர் விஜயபாஸ்கர்

சென்னை : நடிகர்கள் வியாபாரிகள், அவர்கள் படம் ஓட என்ன வேண்டுமானாலும் செய்வார்கள் என அமைச்சர் விஜய பாஸ்கர் கூறியுள்ளார்.

தீபாவளிக்கு விஜய் நடிப்பில் ரிலீஸ் ஆன சர்கார் திரைப்படத்தில் அரசால் இலவசமாக வழங்கப்பட்ட மிக்ஸி, கிரைண்டர், ஃபேன் ஆகியவை உடைப்பது போன்ற காட்சி இருந்தது.

இதையடுத்து ஆளும் அதிமுக அரசு, அம்மாவின் திட்டத்தை இழிவு படுத்துவதா என அமைச்சர்கள் பலர் கடுமையாக, விஜய் மற்றும் படக்குழுவினரை விமர்சித்து வருகின்றனர்.

விஜய பாஸ்கர் விமர்சனம் :
சர்கார் படத்திற்கு எதிராக அமைச்சர்கள் தங்களது கருத்துக்களை தெரிவித்து வருகின்றனர். இந்நிலையில் சுகாதாரத்துறை அமைச்சர் விஜய பாஸ்கர், திரைப்பட நடிகர்கள் வியாபாரிகள் ஆவர் என தெரிவித்துள்ளார்.


அவர்கள் தங்களது படத்தில் எதை சொன்னால் ஓடும் என்பதை நன்றாக அறிந்து வைத்துள்ளனர் என கடுமையாக விமர்சித்துள்ளார். எந்த கருத்தை சொன்னால் பணம் சம்பாதிக்கலாம் என்ற சிந்தனையிலேயே அவர்கள் உள்ளனர் என தெரிவித்துள்ளார்.

அமைச்சரின் கருத்து இப்படி இருக்க, மக்களின் மனதில் என்ன இருக்கிறதோ அது படமாக வந்தால், அதற்கு ஆதரவு தருவார்கள் என்பது நியாமானது தானே. படத்தில் எதை சொன்னால் ஓடும் என குறிப்பிட்டுள்ளதற்கு இதானே பொருளாகிறது.