தட்டி தூக்கப் போகும் டிடிவி; அமமுகவிற்கு புதிதாக களமிறக்கப்பட்ட அந்த 14 பேர்!

அம்மா மக்கள் முன்னேற்றக் கழகத்தின் பொதுச் செயலாளர் டிடிவி தினகரன், தனது கட்சியை அடுத்தக் கட்டத்திற்கு எடுத்து செல்ல திட்டம் தீட்டி வருகிறார். முன்னாள் முதலமைச்சர் ஜெயலலிதா மறைவிற்கு பின், அதிமுகவிற்குள் பிளவு ஏற்பட்டது.

ஓ.பன்னீர்செல்வம் தர்ம யுத்தம் நடத்த, புதிய முதலமைச்சராக பழனிசாமி ஏற்றார். இதையடுத்து பல்வேறு பரபரப்புகளைத் தொடர்ந்து, டிடிவி தினகரன் ஒதுக்கி வைக்கப்பட்டு ஓபிஎஸ் - ஈபிஎஸ் அணிகள் இணைந்தன.

இதை மட்டும் செஞ்சிட்டா? முதல்வருக்கு நானே பாராட்டு விழா நடத்துறேன் - ஸ்டாலின் அதிரடி!

தனித்து விடப்பட்ட டிடிவி தினகரன், தமிழக அரசியலில் புது ரத்தம் பாய்ச்சும் வகையில், அமமுகவை தொடங்கினார். தொடக்கத்தில் பெரிய அளவிலான வரவேற்பு இருந்த சூழலிலும், படிப்படியாக செல்வாக்கு குறையத் தொடங்கியது.

அமமுகவில் இருந்து திடீர், திடீரென முக்கிய தலைவர்கள் அணி மாறத் தொடங்கினர். அவர்கள் அதிமுக, திமுக என சிதறி ஓடினர். இருப்பினும் ஏதோ ஒரு நம்பிக்கையில் கட்சியை தொடர்ந்து நடத்திக் கொண்டிருக்கிறார்.

கனிமொழி வெற்றிக்கு வந்த ஆப்பு?- பதிலளிக்க உயர்நீதிமன்றம் உத்தரவு!

அமமுகவை எப்படியெல்லாம் வலுப்படுத்தலாம் என்று அடுத்தடுத்து காய்களை நகர்த்தி வருகிறார். இந்நிலையில் 14 மாவட்டங்களுக்கு புதிய செயலாளர்களை நியமித்து உத்தரவு பிறப்பித்துள்ளார்.

அதில், திருச்சி, தஞ்சாவூர், திண்டுக்கல், மதுரை, சிவகங்கை, ராமநாதபுரம் உள்ளிட்ட வருவாய் மாவட்டங்கள் அடங்கும். கடந்த 4 நாட்களில் நியமிக்கப்பட்ட நபர்கள் மூலம், மொத்த மாவட்ட செயலாளர்களின் எண்ணிக்கை 57ஆக உயர்ந்துள்ளது.

தெலங்கானா ஆளுநராக பதவியேற்க ரெடி; அதுல தமிழிசைக்கு இப்படியொரு சிக்கல்!

தமிழகத்தை தனது கட்சியின் வசதிக்கு ஏற்ப, 72 மாவட்டங்களாக அமமுக பிரித்து வைத்துள்ளனர். மேலும் மாவட்ட செயலாளர்கள் அனைவருக்கும் தலைமைச் செயலாளராக கே.கே.உமாதேவன் நியமிக்கப் பட்டுள்ளார்.

இவர் ஏற்கனவே அப்பதவியில் இருக்கும் ஆர்.மனோகரன் உடன் இணைந்து பணியாற்றுவார் என்று தெரிவிக்கப்பட்டுள்ளது. இதனுடன் புதிதாக 6 ஒருங்கிணைப்பு செயலாளர்களை டிடிவி தினகரன் நியமித்துள்ளார்.

அமமுகவின் புதுச்சேரி மண்டல செயலாளராக பி.வேல்முருகன் இருப்பார் என்று அறிவிக்கப்பட்டுள்ளது.