Rajinikanth: நாங்க ஒண்ணும் அவர் வீட்டு வாசல்ல கிடக்கல... இடைத்தரகர் தமிழருவி மணியன்: வெளுத்து வாங்கும் வெற்றிவேல்

அமமுகவுடன் கூட்டணி வைக்க ரஜினி விரும்பவில்லை என்ற தமிழருவி மணியனின் கருத்துக்கு அமமுக செய்தித் தொடர்பாளர் வெற்றிவேல் பதில் தெரிவித்துள்ளார்.

ரஜினி ஏப்ரல் மாதம் கட்சி ஆரம்பித்து ஆகஸ்ட்டில் ஒரு மாநாடு நடத்தி பின் செப்டம்பர் முதல் தமிழ்நாடு முழுக்க சுற்றுப்பயணம் மேற்கொள்ள உள்ளார் என்று தமிழருவி மணியன் பேட்டி அளித்துள்ளார். மேலும் பாமக இவருடன் கூட்டணி வைக்கும் என்றும், பாஜகவுடன் கூட்டணி வேண்டுமா?வேண்டாமா என்பது குறித்து ரஜினிதான் அறிவிப்பார் என்றும் தமிழருவி மணியன் தெரிவித்திருந்தார்.

இத்துடன் அமமுகவுடன் கூட்டணி வைக்க ரஜினி விரும்பவில்லை என்றும் தமிழருவி மணியனே தெரிவித்திருந்தார்.

இந்நிலையில் அவருடைய இந்த பேட்டி தொடர்பாக அமமுக செய்தி தொடர்பாளர் வெற்றிவேல் செய்திநிறுவனத்திற்கு அளித்த பேட்டியில் ரஜினியின் அரசியல் குறித்து பேச தமிழருவி மணியனுக்கு என்ன அங்கீகாரம் உள்ளது.இவர் என்ன ரஜினியின் செய்தி தொடர்பாளரா ? அவர் அமைக்கும் கூட்டணி தான் அமோக வெற்றி பெறபோகிறது என்று மொட்டையாக பேசி வருகிறார் அதைப்பறி பேசக் கூடாது. ரஜினி கட்சி ஆரம்பிப்பது குறித்து மட்டும் தான் அவர் பேச வேண்டும்.

ஏப்ரலில் கட்சி... ஆகஸ்ட்டில் மாநாடு... செப்டம்பரில் சுற்றுப்பயணம் : 2020இல் ரஜினி ரெடி

தமிழருவி மணியன் நல்லவராக இருக்கலாம் ஆனால் அதற்காக எதுக்கெடுத்தாலும் கருத்து சொல்லக்கூடாது.ரஜினி கட்சி ஆரம்பித்தால் டிடிவி தினகரனுடன் கூட்டணி வைக்க விரும்பவில்லை என்று இவர் எவ்வாறு கூறலாம்? ரஜினியோடு கூட்டணி வைக்க அவர் வீட்டு வாசலில் நாங்கள் ஒன்னும் காத்திருக்கவில்லை.

கூட்டணி குறித்து ரஜினி தான் முடிவு செய்ய வேண்டும். அல்லது அமமுக தலைமை தான் முடிவு செய்யவேண்டும். இதற்கிடையில் இடைத்தரகர் தமிழருவிமணியன் பேசக்கூடாது என்று காட்டமாக தெரிவித்தார்.