சுகாதாரத் துறைச் செயலாளர் மாற்றம்? ஓ அடுத்து இவங்க தானா?

தமிழ்நாட்டில் கொரோனா வைரஸ் பரவத் தொடங்கிய போது சுகாதாரத் துறைச் செயலாளராக பீலா ராஜேஷ் பணியாற்றி வந்தார். யார் இந்த பீலா ராஜேஷ் என கவனம் ஈர்க்கும் அளவுக்கு அவரது செயல்பாடுகள் வரவேற்பு பெற்றன. கவனம் பெற்ற குறுகிய காலத்திலேயே அவர் வணிக வரித்துறைச் செயலாளராக நியமிக்கப்பட்டார்.

சுகாதாரத் துறைச் செயலாளராக ஏற்கனவே பணியாற்றி வந்த ராதாகிருஷ்ணன் மீண்டும் அந்தப் பதவிக்கு கொண்டு வரப்பட்டார். கொரோனா தடுப்பு பணியில் தீவிரம் காட்டிய ராதாகிருஷ்ணனும் சமூக வலைதளங்களில் வரவேற்பு பெற்றார்.

அதிமுக ஆட்சி காலம் நிறைவடைந்து திமுக ஆட்சிக்கு வந்த போது முக்கிய துறை அதிகாரிகள் மாற்றப்பட்டனர். ஆனால் சுகாதாரத் துறைச் செயலாளர் ராதாகிருஷ்ணன் மட்டும் மாற்றப்படவில்லை. தேர்தல் முடிவுகள் வெளியான அன்றே பூங்கொத்துடன் சேர்த்து கோப்புகளையும் எடுத்துக் கொண்டு மு.க.ஸ்டாலின் இல்லத்துக்கு சென்று ஆலோசனை நடத்தினார். ராதாகிருஷ்ணனை மாற்றாததற்கு உயர் நீதிமன்றமே பாராட்டு தெரிவித்தது.

சசிகலா விட்ட ரகசிய தூது: எடப்பாடி காட்டுவாரா பச்சைக் கொடி?

தற்போது சுகாதாரத் துறைச் செயலாளர் பதவியிலிருந்து ராதாகிருஷ்ணன் மாற்றப்பட உள்ளதாக தகவல் வெளியாகியுள்ளது. அந்த இடத்திற்கு சமீபத்தில் டெல்லியிலிருந்து தமிழ்நாட்டுக்கு மாற்றப்பட்ட அமுதா ஐஏஎஸ் கொண்டு வரப்பட உள்ளதாக கூறப்படுகிறது.

நம்பர் 2 இடத்தில் கே.பி.முனுசாமி: எடப்பாடியின் பக்கா பிளான்!

தர்மபுரி, செங்கல்பட்டு மாவட்டங்களில் ஆட்சியராக பணியாற்றி பல்வேறு சீர்திருத்தங்களை மேற்கொண்டார், மணல் மாஃபியாவை துணிச்சலுடன் எதிர்த்து நடவடிக்கை எடுத்து கவனம் பெற்றார். கலைஞர் கருணாநிதி, ஜெயலலிதா, அப்துல்கலாம் இறுதிச் சடங்கு நிகழ்வுகளை ஒருங்கிணைத்தார். 2015 வெள்ளத்தின் போது உடனடியாக களத்தில் இறங்கி மீட்பு பணிகளில் ஈடுபட்டார். துணிச்சலான, நேர்மையான அதிகாரி என்று பாராட்டப்படும் அமுதா பிரதமர் அலுவலகத்தின் கூடுதல் செயலாளராக பணியாற்றி வந்த நிலையில் சமீபத்தில் மீண்டும் தமிழக அரசு பணிக்கு திரும்பினார்.

அமுதா ஐஏஎஸ் சுகாதாரத் துறைச் செயலாளராக நியமிக்கப்பட உள்ளதாக தகவல்கள் வெளியாகி வருகின்றன.