Kauvery Hospital : கருணாநிதியை நலம் விசாரிக்க வந்தார் சந்திர பாபு நாயுடு

சென்னை : திமுக தலைவர் கருணாநிதியை நலம் விசாரிக்க ஆந்திர முதல்வர் சந்திரபாபு நாயுடு காவிரி மருத்துவமனைக்கு வந்துள்ளார்.

திமுக தலைவர் கருணாநிதியின் உடல், வயது மூப்பின் காரணமாக நலிவடையத் தொடங்கியுள்ளது. கடந்த சில தினங்களுக்கு முன், திடீரென ரத்த அழுத்தம் குறைந்ததால், உடனே சென்னை காவேரி மருத்துவமனையில் அனுமதிக்கப்பட்டார். அங்கு தீவிர சிகிச்சை அளிக்கப்பட்டு வந்தது.

அவருக்கு மருத்துவ குழு தீவிர சிகிச்சை அளித்தநிலையில் அவரின் உடல்நிலை இயல்பு நிலைக்கு திரும்பியுள்ளதாக மருத்துவர்கள் தெரிவித்துள்ளனர்.




சந்திரபாபு வருகை ;
இந்நிலையில் கருணாநிதியின் உடல்நிலையை விசாரிக்க இன்று 12.15 மணியளவில் ஆந்திர முதல்வர் சந்திரபாபு நாயுடு காவிரி மருத்துவமனைக்கு வருகை தந்தார்.

நாளை குடியரசுத் தலைவர் ராம்நாத் கோவிந்த் வர உள்ளதாக அறிவிக்கப்பட்டுள்ளது.