அண்ணா பல்கலைக்கழகத்தில் மொழி மாற்றத்திற்கான கட்டணம் அதிகரிப்பு!

அண்ணா பல்கலைக்கழகத்தில் மொழி மாற்றம் செய்வதற்கான கட்டணத்தொகை அதிகரித்துள்ளது.

அண்ணா பல்கலைக்கழகத்தில் மொழி மாற்றம் மற்றும் சான்றிதழுக்கான கட்டணம் மாற்றியமைக்கப்பட்டுள்ளது. இந்த மாற்றம் வரும் 15ம் தேதி முதல் அமலுக்கு வருகிறது என்று அண்ணா பல்கலைக்கழகம் தெரிவித்துள்ளது. இதற்கு முன்னதாக மொழி மாற்றம் (அந்தந்த மொழிகளில் மொழி மாற்றம்) செய்வதற்கான கட்டண தொகை ரூ.500 என்று இருந்தது. இது தற்போது ரூ.700 வரை அதிகரித்துள்ளது.

மாணவர்களின் மதிப்பெண் சான்றிதழ் உள்பட மற்றவைகளில் அதிகாரிகளின் சான்றளிக்கப்பட்ட விவரங்கள் எல்லாமே மொழி மாற்றத்தில் இருக்கும். இதன் மூலம், வெளிநாட்டில் கல்வி பயில விரும்பும் மாணவர்களுக்கு இது உதவியாக இருக்கும். இவ்வளவு ஏன், ஒரு சில தனியார் நிறுவனங்களும் படிப்பை முடித்து வேலை தேடும் பட்டதாரிகளின் சான்றிதழ்களின் இந்த தமிழாக்க சான்றிதழ் இருக்க வேண்டும் என்று நிறுவனங்கள் கருதுகின்றன.

ஒவ்வொரு ஆண்டும் அண்ணா பல்கலைக்கழகத்தில் மொழி மாற்ற சான்றிதழக்கு மட்டும் கிட்டத்தட்ட 15 ஆயிரத்திற்கும் அதிகமான மாணவர்கள் விண்ணப்பிக்கின்றனர். கடந்த 2016ம் ஆண்டு ஆன்லைனில் மொழி மாற்றம் செய்யும் முறையை அறிமுகப்படுத்தியது என்பது குறிப்பிடத்தக்கது.

மாற்று சான்றிதழ், மதிப்பெண் சான்றிதழ், கல்வி பதிவுகள் ஆகிய சான்றிதழ்கள் உள்பட மற்ற சான்றிதழுக்கான கட்டணம் ரூ.200 லிருந்து ரூ.300 ஆக அதிகரித்துள்ளது என்பது குறிப்பிடத்தக்கது.