ஆப்நகரம்

சிசிடிவியை ஆப் செய்ய சொன்னது இவர்கள்தான்- அப்போலோ புதிய விளக்கம்!

போலீஸ் அதிகாரிகள் கேட்டுக் கொண்டதன் அடிப்படையிலேயே சிசிடிவிகள் அனைத்தும் அணைக்கப்பட்டதாக அப்போலோ மருத்துவமனை நிர்வாகம் தெரிவித்துள்ளது.

Samayam Tamil 6 Oct 2018, 5:31 pm
முன்னாள் முதல்வர் ஜெயலலிதா மரணம் தொடர்பான மர்மம் இதுவரை நீங்காத நிலையில், அப்பலோ மருத்துவமனை 5 பக்க வாக்குமூலத்தை ஒரு நபர் கமிஷனிடம் சமர்ப்பித்துள்ளது.
Samayam Tamil சிசிடிவியை ஆப் செய்ய சொன்னது இவர்கள்தான்- அப்பலோ புதிய விளக்கம்!
சிசிடிவியை ஆப் செய்ய சொன்னது இவர்கள்தான்- அப்பலோ புதிய விளக்கம்!


தமிழகத்தின் முன்னாள் முதல்வர் ஜெயலலிதா, கடந்த 2016 ஆம் ஆண்டு செப்டம்பர் மாதம் 22 ஆம் தேதி, உடல்நலக்குறைவு காரணமாக அப்போலோ மருத்துவமனையில் அனுமதிக்கப்பட்டார். சுமார் 75 நாட்களாக அப்பலோ மருத்துவமனையில் சிகிச்சைப் பெற்று வந்த ஜெயலலிதா, 2016 ஆம் ஆண்டு டிசம்பர் 5 ஆம் தேதி காலமானார்.

இதைத்தொடர்ந்து, அவரின் மரணத்தில் சந்தேகம் இருப்பதாக பல்வேறு தரப்பினரும் கேள்வி எழுப்ப, ஜெயலலிதாவின் மரணம் தொடர்பாக விசாரணை மேற்கொள்ள, ஓய்வுபெற்ற நீதிபதி ஆறுமுகசாமி தலைமையில் ஒருநபர் விசாரணை கமிஷன் கடந்த ஆண்டு செப்டம்பர் மாதம் அமைக்கப்பட்டது.

இந்த விசாரணைக் கமிஷனில் அப்போலோ மருத்துவர்கள், நிர்வாகிகள், ஜெயலலிதாவுக்கு நெருக்கமானவர்கள் என பலரும் ஆஜராகி வாக்குமூலம் அளித்த நிலையில், ஜெயலலிதா மருத்துவமனையில் இருந்த சிசிடிவி காட்சிகள் எதுவும் இதுவரை கிடைக்காதது இந்த விசாரணையை சிக்கலாக்கியுள்ளது.

இந்நிலையில், அப்பலோ மருத்துவமனை சுமார் 5 பக்கங்கள் கொண்ட வாக்குமூலத்தை விசாரணை கமிஷனிடம் சமர்ப்பித்துள்ளது. அதில், உளவுத்துறை ஐஜி கேஎன் சத்தியமூர்த்தி உள்ளிட்ட காவல்துறை அதிகாரிகள், ஜெயலலிதா அறையில் இருந்து வெளியே வரும்போது, சிசிடிவியை அணைத்து வைக்க வேண்டும் என கூறியதாகவும், அவர்களின் வேண்டுகோளின் பெயரிலே சிசிடிவி அணைத்து வைக்கப்பட்டதாக அப்பலோ மருத்துவமனை நிர்வாகம் தெரிவித்துள்ளது.

அடுத்த செய்தி