ஏப்ரல் 12: தமிழ்நாட்டின் இன்றைய கொரோனா நிலவரம்..!

தமிழகத்தில் கடந்த 24 மணி நேரத்தில் புதிதாக 6,711 பேருக்கு தொற்று உறுதி செய்யப்பட்டுள்ளது. இன்றுடன் மொத்த பாதிப்பு எண்ணிக்கை 9,40,145 ஆக அதிகரித்துள்ளது. இது நீங்கலாக இங்கிலாந்தில் இருந்து வந்தவர்களில் மொத்தம் 38 பேருக்கும், அவர்களுடன் தொடர்பில் இருந்தவர்கள் 20 பேருக்கும் உருமாறிய வைரஸ் தொற்று உறுதி செய்யப்பட்டுள்ளது. தமிழகத்தில் தற்போது 46,308 பேர் சிகிச்சையில் உள்ளனர்.

சென்னையில் மட்டும் இன்று 2105 பேருக்கு கொரோனா உறுதி செய்யப்பட்டுள்ள நிலையில், மொத்த பாதிப்பு 267181 ஆக உயர்ந்துள்ளது. சென்னையில் இதுவரை 245751 பேர் டிஸ்சார்ஜ் செய்யப்பட்டுள்ளனர். 4332 பேர் உயிரிழந்துள்ளனர்.

கோவையில் இன்று 604 பேருக்கு தொற்று உறுதி செய்யப்பட்டுள்ள நிலையில், மொத்த பாதிப்பு எண்ணிக்கை 267181 ஆக அதிகரித்துள்ளது. இதுவரை 58730 பேர் டிஸ்சார்ஜ் செய்யப்பட்டுள்ளனர். 700 பேர் பலியாகியுள்ளனர்.

தமிழகத்தில் பிளஸ் டூ பொதுத்தேர்வு தேதி அதிரடி மாற்றம்..!

செங்கல்பட்டில் இன்று 611 பேருக்கு தொற்று உறுதி செய்யப்பட்டுள்ள நிலையில், மொத்த பாதிப்பு எண்ணிக்கை 61409 ஆக அதிகரித்துள்ளது. இதுவரை 56478 பேர் டிஸ்சார்ஜ் செய்யப்பட்டுள்ளனர். 846 பேர் பலியாகியுள்ளனர்.

தமிழகத்தில் கடந்த 24 மணி நேரத்தில் 82,202 பேருக்கு பரிசோதனை மேற்கொள்ளப்பட்டுள்ளது. இதுவரை 2,02,71,805 பேருக்கு கொரோனா பரிசோதனை செய்யப்பட்டுள்ளது.

மாநிலத்தில் இன்று 2,339 நோயாளிகள் டிஸ்சார்ஜ் செய்யப்பட்டுள்ளதால் இதுவரை குணமானோர்களின் எண்ணிக்கை 8,80,910 ஆக அதிகரித்துள்ளது. இன்று மேலும் 19 பேர் உயிரிழந்துள்ள நிலையில், மொத்த பலி எண்ணிக்கை 12,927 ஆக உயர்ந்துள்ளது.