ராம மோகனராவ் உள்ளிட்ட 2 பேரை சஸ்பெண்ட் செய்ய கோரிக்கை!

பல கோடி ரூபாய் லஞ்சம் வாங்கிய புகாரில், முன்னாள் தலைமைச் செயலாளர் ராம மோகன ராவ் மற்றும் சுகாதாரத்துறை செயலர் ராதாகிருஷ்ணன் ஆகியோரை சஸ்பெண்ட் செய்ய வேண்டும் என அறப்போர் இயக்கம் கோரியுள்ளது.

இதுதொடர்பாக, உரிய ஆதாரங்களுடன் கோரிக்கை மனு ஒன்றை, தமிழக முதலமைச்சர் ஓ.பன்னீர்செல்வம், தலைமைச் செயலாளர் கிரிஜா வைத்தியநாதன் ஆகியோரிடம் வழங்கியுள்ளதாக, அறப்போர் இயக்கம் கூறியுள்ளது.

லஞ்சம் மற்றும் ஊழலுக்கு எதிராகப் போராடும் இந்த அமைப்பு, முன்னாள் தலைமைச் செயலாளர் ராம மோகன ராவ் மற்றும் சுகாதாரத் துறை செயலர் ராதாகிருஷ்ணன் ஆகியோர் சில தனியார் நிறுவனங்களுக்கு ஒப்பந்தம் பெற்று தருவதற்காக, பல கோடி ரூபாய் லஞ்சம் வாங்கியதாகக் கூறிவருகிறது.

இதற்கான ஆதாரங்களும் உள்ளதாகவும், அவற்றின் அடிப்படையிலேயே அவர்களை உடனடியாக சஸ்பெண்ட் செய்ய வலியுறுத்துவதாகவும் அறப்போர் இயக்கம் குறிப்பிட்டுள்ளது.

Anti-corruption group Arappor Iyakkam on Wednesday submitted a memorandum to the offices of Tamil Nadu chief minister O Panneerselvam and chief secretary Girija Vaidyanathan seeking suspension of two senior bureaucrats.