துணை முதல்வர் பதவிக்கு மல்லுக்கட்டும் பாஜக, பாமக...அதிமுகவுக்கு புதிய தலைவலி!

அதிமுகவில் முதல்வர் வேட்பாளர் யார் என்று சில மாதங்களாக நீடித்து வந்த சர்ச்சை, கடந்த வாரம் ஒருவழியாக முடிவுக்கு வந்தது. இந்த நிலையில், துணை முதல்வர் பதவியை கேட்டு பாஜகவும், பாமகவும் அதிமுகவுக்கு நெருக்கடியை கொடுக்க தொடங்கியுள்ளன.

கடந்த 2016 சட்டப்பேரவைத் தேர்தலில் தனித்துப் போட்டியிட்டு ஒரு இடத்தில் கூட வெற்றி பெறாவிட்டாலும், கணிசமான வாக்குகளை பாமக பெற்றது. இதன் காரணமாகலே, கடந்த 2019 மக்களவைத் தேர்தலில் அதிமுக கூட்டணி கட்சிகளில் அதிகபட்சமாக பாமகவுக்கு 7 தொகுதிகளும், ஒரு மாநிலங்களவை இடமும் ஒதுக்கப்பட்டது.

இவற்றின் அடிப்படையில் எதிர்வரும் 2021 தமிழக சட்டப்பேரவைத் தேர்தலில் தங்களை கட்சியைச் சேர்ந்த வேட்பாளருக்கு துணை முதல்வர் பதவி வழங்கப்பட வேண்டும் என்று பாமக அடம்பிடிக்க தொடங்கியுள்ளது.

குஷ்பூ சேரும் கட்சி ஆட்சியை இழக்குமாம்...நெட்டிசன்கள் கலாய்!

ஆனால், கடந்த சட்டப்பேரவைத் தேர்தலில் பாமகவை விட குறைவான வாக்குகளை பெற்றது மட்டுமல்லாமல், கடந்த மக்களவைத் தேர்தலில் அதிமுக கூட்டணியில் தமக்கு ஒதுக்கப்பட்ட 5 தொகுதிகளிலும் பாஜக தோல்வியை தழுவியது.

இருப்பினும், தமிழகத்தில் ஆளும் அதிமுகவை பின்னணியில் இருந்து இயக்கிவரும் பாஜக, துணை முதல்வர் பதவி தங்களுக்குதான் வேண்டும் என்பதில் பிடிவாதமாக உள்ளதாம்.

ரஜினி வந்தால் என்ன நடக்கும்? வராவிட்டால் என்ன செய்யவேண்டும்? இபிஎஸ் போடும் திட்டம்!

அத்துடன் அதிமுக கூட்டணியில் பாஜகவுக்கு 60 தொகுதிகள் ஒதுக்கப்பட வேண்டும் என்பதிலும் அக்கட்சி கண்டிபபாக இருக்கிறதாம். துணை முதல்வர் பதவி, தொகுதி பங்கீடு உள்ளிட்டவை குறித்து ஆலோசிக்க, பாஜகவின் தேசிய பொதுச் செயலாளர் சி.டி. ரவி வரும் 17 ஆம் தேதி (அக்டோபர் 17) சென்னை வரவுள்ளதாக தகவல்கள் வெளியாகியுள்ளன.

துணை முதல்வர் பதவி கேட்டு பாஜக, பாமக அடம்பிடிக்க தொடங்கியுள்ளது அதிமுகவுக்கு புதிய தலைவலியை ஏற்படுத்தியுள்ளது.