AIADMK BJP Alliance: இன்று இறுதி செய்யப்படுகிறதா பாஜக - அதிமுக கூட்டணி: அமித் ஷா சென்னை வருகை

பா.ஜ.க. தேசியத் தலைவா் அமித்ஷா வருகின்ற 22ம் தேதி தமிழகம் வரவுள்ளதாக தொிவிக்கப்பட்டிருந்த நிலையில், அதற்கு முன்னதாக இன்றே அவர் சென்னை வரவுள்ளதாக தகவல்கள் தெரிவிக்கின்றன.

மக்களவைத் தோ்தல் விரைவில் நடைபெறவுள்ள நிலையில் மாநில மற்றும் தேசியக் கட்சிகள் தோ்தலுக்காக தீவிரமாக செயல்பட்டு வருகின்றன. தமிழகத்தில் தி.மு.க., காங்கிரஸ் ஆகிய கட்சிகள் ஏற்கனவே கூட்டணியில் உள்ளன.

இந்நிலையில் பா.ஜ.க., அ.தி.மு.க. இடையே கூட்டணி பேச்சுவாா்த்தை நடைபெற்று வருவதாக செய்திகள் வெளியாகின. கடந்த 14ம் தேதி தமிழகம் வந்த பா.ஜ.க. தமழிக பொறுப்பாளா் பியூஷ் கோயல் தமிழக அமைச்சா் தங்கமணியை சந்தித்து சுமாா் 3 மணி நேரம் ஆலோசனை நடத்தினாா்.

இதன் மூலம் கூட்டணி தொடா்பான சந்தேகம் மேலும் வலுப்பெற்றது. இந்நிலையில் வருகின்ற 22ம் தேதி பா.ஜ.க. தேசியத் தலைவா் அமித்ஷா தோ்தல் பிரசாரத்திற்காக தமிழகம் வரவுள்ளதாக தொிவிக்கப்பட்டு இருந்தது. ஆனால் தற்போது வெளியாகியுள்ள தகவலின் படி அமித்ஷா இன்று சென்னை வருகிறார்.

மத்திய இணையமைச்சா் பொன்.ராதாகிருஷ்ணன், பியூஷ் கோயல் உள்ளிட்டோரும் இன்று சென்னை வருகின்றனர். அதன்படி இன்று அ.தி.மு.க., பா.ஜ.க. கூட்டணி உறுதி செய்யப்படும் என்றும் கூறப்படுகிறது.

இந்த மாத இறுதியில் தமிழகம் வரும் பிரதமா் மோடி தமிழக கூட்டணிக் கட்சி தலைவா்களுடன் ஒரே மேடையில் தனது பிரசாரத்தை மேற்கொள்வாா் எனவும் தெரிவிக்கப்பட்டுள்ளது.