ஆர்.கே.நகர் வாக்கு எண்ணிக்கையில் பாஜகவை முந்துகிறது நோட்டா!

ஆர்.கே.நகர் இடைத்தேர்தல் முதல் சுற்று வாக்கு எண்ணிக்கையில் பாஜக கட்சியின் ஓட்டுகளை விட நோட்டா (NOTA) அதிக ஓட்டுகளைப் பெற்றுள்ளது.

தமிழகம் முழுவதும் மிகுந்த எதிர்பார்ப்பை ஏற்படுத்தியுள்ள ஆர்.கே.நகர் இடைத்தேர்தலின் வாக்கு எண்ணிக்கை தற்போது விறுவிறுப்பாக நடைபெற்று வருகிறது.

முதல் சுற்று வாக்கு எண்ணிக்கையில் சுயேட்சை வேட்பாளராக களமிறங்கியுள்ள டிடிவி தினகரன் 5339 வாக்குகளும், அதிமுகவின் மதுசூதனன் 2738 வாக்குகளும், திமுகவின் மருதுகணேஷ் 1182 வாக்குகளும் பெற்றுள்ளனர்.

இந்நிலையில், பாஜக தரப்பில் ஆர்.கே.நகர் இடைத்தேர்தலில் போட்டியிட்ட கரு.நாகராஜன் முதல்சுற்று வாக்கு எண்ணிக்கையில் வெறும் 66 ஓட்டுகளை மட்டுமே பெற்றுள்ளார். யாரையும் ஆதரிக்காதவர்கள் ஓட்டளிக்கும் நோட்டா 105 ஓட்டுகளைப் பெற்று பாஜகவை விட முன்னிலையில் உள்ளது. இதனால் அக்கட்சியினர் மிகுந்த சோகத்தில் உள்ளனர்.