இது பழைய பாஜக அல்ல, தொட்டு பாருங்கள்: அமைச்சருக்கு அண்ணாமலை சவால்!

தமிழ்நாடு அரசு 72 மணி நேரத்தில் பெட்ரோல், டீசல் விலையை குறைக்கவில்லை எனில் கோட்டையை முற்றுகையிடுவோம் என்ற பாஜக மாநிலத் தலைவர் அண்ணாமலை கூறியிருந்தார்.

இதற்கு அமைச்சர் எம்.ஆர்.கே.பன்னீர் செல்வம் கடுமையான எதிர்வினை ஆற்றியிருந்தார். “இது திமுக ஆட்சி. சொன்னதை செய்து காட்டியவர் முதலமைச்சர் மு.க.ஸ்டாலின். உங்களது மிரட்டல்களுக்கு திமுக அஞ்சாது. கர்நாடகாவில் இருந்து காவிரி நீரைத் தமிழகத்துக்கு கொடுக்கக் கூடாது என பேசியவர் அண்ணாமலை. இவர் தமிழகத்துக்கு என்ன செய்யப் போகிறார்? மதக்கலவரத்தை உருவாக்க பார்க்கிறார். இது திராவிட முன்னேற்றக் கழகத்தின் ஆட்சி. சவாலுக்கு பயப்பட மாட்டோம். அண்ணாமலை சொந்த ஊரான கரூர் மாவட்டத்தையே தாண்ட முடியாது” என்று பேசினார்.

கரூரை தாண்ட முடியாது என அமைச்சர் பேசியதற்கு பாஜக தலைவர் அண்ணாமலையும் கடுமையாக விமர்சித்துள்ளார். “திமுக ஆட்சியில் ரவுடிகள் தான் அமைச்சர்களாக இருக்கின்றனர் என்பதற்கு, எம்.ஆர்.கே.பன்னீர்செல்வம் நல்ல உதாரணம். அமைச்சர் போலவா பேசுகிறார்? கரூரை தாண்ட விட மாட்டாராம். இவர் என்ன, பேரி கார்டு போட்டு தடுக்கும், செக்யூரிட்டி வேலை பார்க்கிறாரா?
குரங்கு அம்மை: தமிழ்நாடு முழுவதும் சென்ற அலர்ட் மெசேஜ்!
அமைச்சரோ, அவரோடு எப்போதும் இருக்கும் அடியாட்களோ, ரவுடிகளோ, நெஞ்சில் தைரியம் இருந்தால், கரூர் வந்து என்னை தடுத்து பார்க்கட்டும்; அதன்பின், என்ன நடக்கிறது என்பது தெரியும்.

தமிழகத்தில் தற்போது இருப்பது, பழைய பாரதிய ஜனாதா என்ற நினைப்பில் அமைச்சர் பேசி இருந்தால், அதை உடனே மாற்றி கொள்ள வேண்டும்” எனக் கூறினார்.

ஓபிஎஸ் இபிஎஸுக்கு வித்தியாச நெருக்கடி: இன்று முடிவு தெரிந்துவிடும்?

இருவரும் மாறி மாறி தாக்கிப் பேசிவருவது அரசியல் வட்டாரத்தில் அனலைக் கிளப்பி வருகிறது.