’சர்கார்’ படத்தைப் பற்றி ஹெச்.ராஜா இப்படியொரு பதிவு போடுவாருனு எதிர்பார்க்காத ரசிகர்கள்!

சன் பிக்சர்ஸ் தயாரிப்பில் ஏ.ஆர்.முருகதாஸ் இயக்கத்தில் வெளியாகியுள்ள திரைப்படம் ‘சர்கார்’. இப்படத்தில் விஜய், கீர்த்தி சுரேஷ், வரலட்சுமி, ராதாரவி, யோகி பாபு உள்ளிட்டோர் நடித்துள்ளனர். இதற்கு ஏ.ஆர்.ரகுமான் இசையமைத்துள்ளார்.

இப்படம் வெளியாகி ரசிகர்கள் இடையே பெரும் வரவேற்பை பெற்றுள்ளது. முதல் நாள் வசூலில் புதிய சாதனையைப் படைத்துள்ளது. முன்னதாக வருண் ராஜேந்திரன் என்பவர் தனது செங்கோல் படத்தின் கதையை திருடி, சர்கார் படம் எடுக்கப்பட்டதாகக் குற்றம்சாட்டியிருந்தார்.

இந்த விவகாரம் நீதிமன்றம் வரை சென்று, பின்னர் சமரசத்தில் முடிந்தது. இதற்காக டைட்டிலில் பெயர் போடுவது, குறிப்பிட்ட தொகை இழப்பீடு உள்ளிட்டவை மேற்கொள்ளப்பட்டன.

இந்நிலையில் சர்ச்சைகளுக்கு பெயர் போன பாஜக தலைவர் ஹெச்.ராஜா, சர்கார் படம் குறித்து டுவிட் ஒன்றை பதிவிட்டுள்ளார். அதில், கதையைத் திருடுவது என முடிவு செய்து விட்டால், நல்ல கதையாக திருட வேண்டியது தானே என்று குறிப்பிட்டுள்ளார்.

இதனை படித்ததில் பிடித்தது என்ற தலைப்பிட்டு பதிவிட்டுள்ளார். இது சமூக வலைத்தளங்களில் வைரலாகி வருகிறது.