நிருபரை தேசவிரோதி என திட்டிய ஹெச்.ராஜா! வலுக்கிறது எதிர்ப்பு!!

விவசாயிகள் நிவாரணம் குறித்து கேள்வி எழுப்பிய நிருபரை தேசவிரோதி என பாஜகவை சேர்ந்த ஹெச்.ராஜா திட்டியது பெரும் சர்ச்சையை ஏற்படுத்தியுள்ளது.

பாஜகவை சேர்ந்த ஹெச்.ராஜா செய்தியாளர்களை சந்தித்த போது நிருபர் ஒருவர் கென்யாவிற்கு நிதி தரும் இந்திய அரசு தமிழர்களுக்கு நிதி தர மறுப்பது ஏன் என்று கேள்வி எழுப்பினார். இதற்கு நிருபரை தேசதுரோகி என ஹெச்.ராஜா திட்டியுள்ளார். மேலும் மோடியை தான் ஊடகங்கள் தொடர்ந்து விமர்சித்து வருவதாகவும், காங்கிரஸ் 10 ஆண்டுகள் ஆட்சி செய்த போது சோனியா காந்தியை இதுபோன்ற விமர்சிக்கவில்லை என்று கூறினார்.

மேலும் இத்தாலி நாட்டை சேர்ந்த சோனியா காந்தியை பார்த்து ஊடகங்கள் பயந்தன, அவரை விமர்சிக்கவில்லை என்று கொச்சையாக பேசியுள்ளார். இதற்கு பல்வேறு தரப்பினரும் எதிர்ப்பு தெரிவித்து வருகின்றனர். மேலும் சோனியா காந்தியை இழிவாக பேசியதால், இளைஞர் காங்கிரஸ் அமைப்பினர் ஹெச்.ராஜாவின் உரும பொம்மையை எரித்து போராட்டத்தில் ஈடுபட்டனர். மேலும் அவருக்கு எதிராக காவல்துறையில் புகாரும் கொடுக்கப்பட்டுள்ளது.