பிரகாஷ் ஜவடேகர் இன்று தமிழகம் வருகை

பாஜக தமிழக பொறுப்பாளர் பிரகாஷ் ஜவடேகர் இன்று சென்னை வருகிறார்.

வர உள்ள சட்டப்பேரவைத் தேர்தலில், பாஜக தலைமையிலான தேசிய ஜனநாயக கூட்டணியில் இடம்பெற போகும் அரசியல் கட்சிகள் எவை என்ற எதிர்பார்ப்பு எழுந்துள்ளது. ஒருபுறம் திமுக, காங்கிரஸ் கூட்டணி மற்றும் மக்கள் நலக்கூட்டணி, பாமக தனித்துப் போட்டி என தமிழக தேர்தல் களம் சூடுபிடித்துள்ளது.

இந்நிலையில், தேமுதிக, இந்திய ஜனநாயக கட்சி உள்பட பல்வேறு அரசியல் கட்சி தலைவர்களையும் சந்தித்து, கூட்டணி பற்றிய பேச்சுவார்த்தையை இறுதி செய்ய பாஜக தலைமை திட்டமிட்டுள்ளது. இதற்காக, அக்கட்சியின் தமிழக பொறுப்பாளர் பிரகாஷ் ஜவடேகர் இன்று சென்னை வருகிறார்.

தேமுதிக தலைவர் விஜயகாந்த், இந்திய ஜனநாயக கட்சித் தலைவர் பச்சமுத்து, பாமக நிறுவனர் டாக்டர் ராமதாஸ் மற்றும் மக்கள் நலக் கூட்டணித் தலைவர்களையும் அவர், நேரில் சந்தித்துப் பேச உள்ளார். அதன் முடிவில், கூட்டணி குறித்த அறிவிப்பை பாஜக வெளியிடும் என்று எதிர்பார்க்கப்படுகிறது.