கோவிலில் குத்தாட்டம் போட்ட பாஜக எம்பி ரூபா கங்குலி

தாராபுரம் கோவிலுக்கு சாமி தரிசனம் செய்ய வந்த பாஜக எம்பி ரூபா கங்குலி திடீரென்று குத்தாட்டம் போட்டது அங்கு பெரும் பரபரப்பை ஏற்படுத்தியுள்ளது.

மேற்கு வங்க மாநிலத்தில் பாஜக சார்பில் ராஜ்யசபா எம்பியாக நியமிக்கப்பட்டுள்ளார் ரூபா கங்குலி. இவர் மகாபாரதம் தொடரில் திரௌபதியாக நடித்து மிகவும் பிரபல நடிகையாகிவிட்டார். இந்நிலையில், மத்திய அரசின் 3 ஆண்டுகள் சாதனையையொட்டி தமிழகம் முழுவதும் பாஜக தலைவர் சுற்றுப்பயணம் செய்து வருகின்றனர். மதுரை மாவட்டம் உசிலமபட்டியில் பாஜக பொதுக்கூட்டம் நடந்தது. இதில் மேற்கு வங்க மாநில பாஜக எம்.பி ரூபா கங்குலி கலந்து கொண்டார்.



அதன் பிறகு திருப்பூர் வந்த ரூபா, தாராபுரம் ஆஞ்சநேயர் கோவிலுக்கு சென்றார். சாமி தரிசனம் செய்ய வந்த அவர் திடீரென்று குத்தாட்டம் போட்டது அங்கு பெரும் பரபரப்பை ஏற்படுத்தியுள்ளது. அவருடன் அங்கிருந்த பெண்களும் ஆட்டம் போட்டு மகிழ்ந்தனர் என்பது குறிப்பிடத்தக்கது.