கேஸ் சிலிண்டர் புக் பண்றது இனிமே ரொம்ப ஈஸி!!

எல்பிஜி எனப்படும் திரவ பெட்ரோலிய எரிவாயு இணைப்பு, இந்தியாவில் எவ்வளவு வீடுகளில் உள்ளது?

இந்தியாவில் பெரும்பாலான வீடுகளில் உணவு சமைப்பதற்கு தற்போது கேஸ் அடுப்புகளே பயன்படுத்தப்படுகின்றன. நாடு முழுவதும் தற்போது 89 சதவீதம் வீடுகளில் சமையல் கேஸ் சிலிண்டர் இணைப்பு உள்ளதாகவும், 2015 ஆம் ஆண்டில் இந்த எண்ணிக்கை 56 சதவீதமாக இருந்ததாகவும் புள்ளி விவரங்கள் தெரிவிக்கின்றன.


சமையல் கேஸ் சிலிண்டர் விநியோகத்தில் முன்னணியில் உள்ள நிறுவனம் எது?

இந்தியன் ஆயில் கார்ப்பரேசன் நிறுவனம் (ஐஓசி), சமையல் கேஸ் சிலிண்டர் விநியோகத்தில் முன்னணியில் திகழ்கிறது. நாடு முழுவதும் இதுவரை, சுமார் 15.5 கோடி வீடுகளுக்கு இந்நிறுவனம் எல்பிஜி இணைப்பை வழங்கியுள்ளது. தமிழகத்தில் மட்டும் 1.36 கோடி பேர் இண்டேன் வாடிக்கையாளர்களாக உள்ளனர்.

உங்க எஸ்பிஐ அக்கவுண்ட் குளோஸ் ஆகாம இருக்கணும்னா இதை உடனே பண்ணுங்க!

எல்பிஜி இணைப்பைப் பெறுவதற்கான வழிமுறைகள் என்ன?

எல்பிஜி விற்பனை முகவரிடம் இதற்காக விண்ணப்பிக்க வேண்டும். பூர்த்தி செய்யப்பட்ட விண்ணப்பத்துடன் இரண்டு பாஸ்போர்ட் அளவு புகைப்படங்கள், இருப்பிட சான்று( ஆதார் அட்டை, ஓட்டுநர் உரிமம், வாக்காளர் அடையாள அட்டை, வாடகை வீட்டுக்ரான ஒப்பந்த ஆவணம் இவற்றில் ஏதாவது ஒன்றின் நகலை சேர்த்து அளிக்க வேண்டும்.

மேற்குறிப்பிட்டுள்ளவற்றில் வாடகை ஒப்பந்த ஆவணத்தை தவிர்த்து, வாக்காளர் அடையாள அட்டை உள்ளிட்டவற்றில் ஏதாவதுயொன்றை அடையாள சான்றாகவும் அளிக்க வேண்டும். இவற்றுடன், வங்கி பாஸ்புக்கின் முதல் பக்கத்தையும் விண்ணப்பதுடன் இணைத்து அளிக்க வேண்டும். கூடவே, முகவர் சொல்லும் பதிவு கட்டணம், பாதுகாப்பு வைப்புத்தொகையை (security deposit) செலுத்தினால், உங்கள் வீட்டுக்கு சில நாட்களில் எல்பிஜி இணைப்பு வந்துவிடும்.


எல்பிஜி மானியத்தை வாடிக்கையாளர்கள் பெறுவது எப்படி?

சமையல் கேஸ் சிலிண்டர் தற்போது மானியம், மானியம் அல்லாத என இரண்டு முறைகளில் விற்பனை செய்யப்பட்டு வருகிறது. இதில், மானிய விலையில் கேஸ் சிலிண்டரை பெற விரும்புவோர், முகவரிடம் தங்களது சேமிப்பு வங்கிக் கணக்கு விவரங்களை அளிக்க வேண்டும்.

அதன் பின்னர், மாதந்தோறும் மாற்றியமைக்கப்படும் சிலிண்டர் விலைக்கு ஏற்றாற்போல், அதனை வாங்கும்போது மானிய விலைக்கு அதிகப்படியாக வாடிக்கையாளர்கள் செலுத்திய தொகை, அவர்களின் வங்கிக் கணக்கில் செலுத்தப்படும்.

முடிவுக்கு வருகிறதா 2,000 ரூபாய் நோட்டு? தெரிந்துகொள்ள வேண்டிய தகவல்!

உதாரணத்துக்கு, பிப்ரவரி மாதம், சென்னையில் மானியமில்லா கேஸ் சிலிண்டரின் விலை 881 ரூபாய். இதுவே மானியத்துடன்கூடிய சிலிண்டரின் விலை 482.23 ரூபாய். இதன்படி. 398.77 ரூபாய் வாடிக்கையாளர்களின் வங்கிக் கணக்கில் வரவு வைக்கப்படும்.


சிலிண்டருக்கு முன்பதிவு செய்வது எப்படி?

சமையல் கேஸ் சிலிண்டருக்கு மொபைல்ஃபோன், தொலைபேசி, ஆன்-லைன் மூலம் முன்பதிவு செய்யும் நடைமுறை இருந்து வருகிறது. இவற்றுடன் இனி, 75888 88824 என்ற வாட்ஸ் அப் எண்ணிலும் வாடிக்கையாளர்கள் சிலிண்டர் முன்பதிவு செய்யலாம் என்று ஐஓசி நிறுவனம் அறிவித்துள்ளது.