கன்னியாகுமரி பேருந்து கட்டணத்தின் விலை நிலவரம்!

கன்னியாகுமரி மாவட்டத்தில் நகர பேருந்துகளில் குறைந்தபட்ச கட்டணமாக ரூ. 7 நிர்ணயம் செய்யப்பட்டுள்ளது.

கடந்த சில நாட்களுக்கு முன்பு, அரசு பேருந்துகளின் கட்டணத்தை பன்மடங்கு உயர்த்தி தமிழக அரசு அரசாணை வெளியிட்டது. இதற்கு பொதுமக்களும், பல்வேறு அரசியல் கட்சி அமைப்புகளும் எதிர்ப்பு தெரிவித்த நிலையில் பேருந்து கட்டணத்தை குறைத்து தமிழக அரசு நேற்று உத்தரவு பிறப்பித்தது.

இதனடிப்படையில் கன்னியாகுமரி மாவட்ட நகர பேருந்துகளின் குறைந்தபட்ச கட்டணம் ரூ. 7 ஆக நிர்ணயம் செய்யப்பட்டுள்ளது. நகரபேருந்துகளின் கட்டணம் ரூ.9 லிருந்து ரூ.7 ஆகவும், சாதா புறநகர் பேருந்துகளில் கி.மீக்கு 60 காசிலிருந்து 58 காசுகளாகவும், விரைவு பேருந்துகளில் (பாஸ்ட்) கி.மீக்கு 80 காசிலிருந்து 75 காசுகளாகவும், என்ட் டூ என்ட் மற்றும் பை பாஸ் ரைடர்களில் 90 காசிலிருந்து 85 காசுகளாகவும், அல்ட்ரா டீலக்ஸ் பேருந்துகளில் ரூ. 1.10 லிருந்து ரூ. 1 ஆக கட்டணம் குறைக்கப்பட்டுள்ளது.