1 கிலோ கேக் வாங்கினால், 1 லிட்டர் பெட்ரோல் இலவசம்!

வேலூரில் உள்ள பேக்கிரி ஒன்றில் 1 கிலோ கேக் வாங்கினால், 1 லிட்டர் பெட்ரோல இலவசமாக வழங்கப்படுகிறது.

பெட்ரோல் விலை உயர்வை தொடர்ந்து, வேலூர் பேக்கிரி கடை ஒன்றில் 1 கிலோ கேக் வாங்கினால், 1 லிட்டர் பெட்ரோல் இலவசம் என்று அறிவித்துள்ள சம்பவம் அனைவரையும் ஆச்சரியப்பட வைத்துள்ளது

முன்பெல்லாம் பெட்ரோல் விலை, எப்போதாவது ஒரு ரூபாய் அல்லது இரண்டு ரூபாய் ஏறும், அல்லது சர்வதேச அளவில் கச்சா எண்ணெய்யின் விலையைப் பொறுத்து குறையவும் செய்யும்.

ஆனால் இப்போது, பெட்ரோல் விலை ஒவ்வொரு நாளும் நிர்ணயிக்கலாம் என்பதால், சிறிது சிறிதாக உயர்த்தி, தற்போது வரலாறு காணாத அளவிற்கு உயர்ந்துள்ளது. இதனால், பொதுமக்கள் அனுதினமும் அல்லல்பட்டு வருகின்றனர். இதற்கு பதிலளிக்க வேண்டிய மத்திய அரசோ எவ்வித நடவடிக்கையும் எடுக்காமல் மௌனம் சாதித்து வருகிறது.

இந்நிலையில், வேலூர் மாவட்டம் அண்ணாசாலையில் உள்ள டிசி பேக்கரியில், 1 கிலோ கேக் வாங்கினால், 1 லிட்டர் பெட்ரோல் இலவசம் என்று விளம்பரம் செய்யப்பட்டுள்ளது. இதனை அப்பகதி மக்கள் பலரும் பார்த்து கேக் வாங்கி, பரிசு கூப்பனையும் வாங்கி செல்கின்றனர்.

டிரெண்டுக்கு ஏற்றவாரு பேக்கிரி கடையின் இந்த அறிவிப்பால்,1 மணி நேரத்துக்குள் 10 கேக்காவது விற்பனையாகி வருவதாக கடை உரிமையாளர் உற்சாகத்துடன் தெரிவித்தார்.வேலூரில் உள்ள பேக்கிரி ஒன்றில் 1 கிலோ கேக் வாங்கினால், 1 லிட்டர் பெட்ரோல இலவசமாக வழங்கப்படுகிறது.