சுதா ரகுநாதன் மகளுக்கு டும் டும் டும்- வெளிநாட்டு மாப்பிள்ளைக்கு உற்சாக வரவேற்பு!

தமிழ்நாட்டின் பிரபல கர்நாடக இசைப் பாடகராக இருப்பவர் சுதா ரகுநாதன். இவரது மகள் மாளவிகாவிற்கு சமீபத்தில் திருமணம் நிச்சயம் செய்யப்பட்டுள்ளது. இதற்காக தேர்வு செய்யப்பட்டுள்ள மணமகன் ஆப்பிரிக்க நாட்டை பூர்வீகமாகக் கொண்டுள்ளார்.

அவரது பெயர் மைக்கேல். இருவருக்குமான திருமணம் முடிந்து வரவேற்பு நிகழ்ச்சி நடத்தப்படுவதற்கான அழைப்பிதழ் தற்போது வெளியாகியுள்ளது. அதன்படி, வரும் ஜூலை 11ஆம் தேதி இரவு 7 மணி முதல் சென்னை மயிலாப்பூர் ஏவிஎம் ராஜேஸ்வரி கல்யாண மண்டபத்தில் வரவேற்பு நடைபெறும் என்று தெரிவிக்கப்பட்டுள்ளது.

இந்த அழைப்பிதழ் தற்போது சமூக வலைத்தளங்களில் மிகவும் வைரலாகி வருகிறது. இந்த திருமணத்திற்கான ஏற்பாடுகள் தீவிரமாக நடைபெற்று வருகின்றன. வெளிநாட்டு மாப்பிள்ளையை வரவேற்க, சுதா ரகுநாதன் குடும்பத்தினர் ஆர்வத்துடன் காத்துக் கொண்டிருக்கின்றனர்.

இதற்கான கலவையான விமர்சனங்கள் எழுந்த வண்ணம் இருக்கின்றன. முன்னதாக நித்யஸ்ரீ மகாதேவன், ஓ.எஸ் அருண் ஆகியோர் கர்நாடக இசையில் கிறிஸ்துவ பாடல்கள் பாடும் நிகழ்ச்சிக்கு கடும் எதிர்ப்பு கிளம்பியது. அந்த வரிசையில் தற்போது சுதா ரகுநாதன் சிக்கியுள்ளார்.