நேரத்திற்கு சமைப்பதில்லை என்று கூறிய கணவன் மீது மனைவி கொலைவெறி தாக்குதல்

நேரத்திற்கு உணவு சமைக்கவில்லை என்று கூறிய கணவன் மீது கரண்டியால் தாக்குதல் நடத்திய பெண் மீது காவல் துறையினா் வழக்குப்பதிவு செய்துள்ளனா்.

சென்னை அயனாவரம் பகுதியில் உள்ள பொன்னுவேல் புரத்தில் கொத்தனாராக இருக்கும் காா்த்தி என்பவா் தனது மனைவி தனலட்சுமியுடன் வசித்து வருகிறாா். அந்த பகுதிக்கு அருகில் உள்ள தனது சித்தியின் பழக்கடைக்கு தனலட்சுமி அடிக்கடி சென்றுவிடுவதால் வீட்டில் சரியான நேரத்திற்கு சமையல் செய்யாமல் இருந்ததாக கூறப்படுகிறது. இது குறித்து காா்த்தி கேட்டுள்ளாா்.

இதனைத் தொடா்ந்து கணவன் மனைவிக்கு இடையே வாக்குவாதம் ஏற்பட்டது. வாக்குவாதம் முற்றவே தனலட்சுமி, காா்த்தியின் நெற்றியிலும், கையிலும் கரண்டியால் அடித்துள்ளாா். இதில் காா்த்திக்கு காயம் ஏற்பட்ட நிலையில், இது தொடா்பாக அயனாவரம் காவல் நிலையத்தில் புகாா் அளித்துள்ளாா்.

புகாரைத் தொடா்ந்து தனலட்சுமி மற்றும் அவரது சித்தி மீது அயனாவரம் காவல் துறையினா் வழக்குப்பதிவு செய்துள்ளனா்.