ஆப்நகரம்

ரயிலில் துளையிட்டு ரூ.5.75 கோடி கொள்ளையடித்த வழக்கில் 2 பேர் கைது

சேலம் ரயிலில் மேற்கூரை துளையிட்டு ரூ.5.75 கோடி கொள்ளை சம்பவத்தில் மேலும் இரண்டு பேர் கைது செய்யப்பட்டுள்ளனர்.

Samayam Tamil 13 Oct 2018, 9:28 pm
சேலம் ரயிலில் மேற்கூரை துளையிட்டு ரூ.5.75 கோடி கொள்ளை சம்பவத்தில் மேலும் இரண்டு பேர் கைது செய்யப்பட்டுள்ளனர்.
Samayam Tamil salem train robbery


கடந்த 2016ம் ஆண்டு ஆகஸ்ட் மாதம் சேலம், நாமக்கள் மற்றும் அதன் சுற்றுவட்டார பகுதிகளில் இருந்து சேகரிக்கப்பட்ட பழைய மற்றும் கிழிந்த ரூபாய் தாள்கள் சுமாா் 323 கோடி ரூபாய் அளவில் சேலத்தில் இருந்து சென்னை கொண்டு வரப்பட்டன. சென்னை வந்த பின்னா் பணத்தை கணக்கிட்ட அதிகாாிகள் ரூ.5.75 கோடி பணம் கொள்ளை போனதை அறிந்தனா்.

பணம் எடுத்து வரப்பட்ட ரயிலின் மேற்கூரையில் துளையிட்டு கொள்ளையடிக்கப்பட்ட சம்பவம் தமிழகம் முழவதும் பெரும் அதிா்ச்சியை ஏற்படுத்தியது. 2 ஆண்டுகள் கடந்த நிலையில் வழக்கு தொடா்பாக ஒருவா் கூட கைது செய்யப்படாத நிலையில் வழக்கை விசாரித்து வந்த சி.பி.சி.ஐ.டி காவல் துறையினா் மத்திய உள்துறை அமைச்சகம் மூலமாக அமெரிக்க விண்வெளி ஆராய்ச்சி நிலையமான நாசாவிடம் உதவிக் கோரினா்.

சி.பி.சி.ஐ.டி. அதிகாாிகள் கேட்டுக் கொண்டதன் அடிப்படையில் அந்த ரயில் பயணம் செய்த 350 கி.மீ. தூர புகைப்படங்களை நாசா வழங்கியது. அதன் அடிப்படையில் அதிகாாிகள் கொள்ளையா்களை நெருங்கி உள்ளதாக தொிவிக்கப்பட்டுள்ளது. அதன்படி குற்றச் சம்பவங்களில் ஈடுபட்டவா்கள் மத்திய பிரதேசம், பிகாா் மாநிலங்களை சோ்ந்தவா்கள் இருக்கலாம் என்று கருதப்பட்டது.

இந்நிலையில், சேலம் ரயில் கொள்ளை சம்பவ வழக்கில் மத்திய பிரதேசத்தை சேர்ந்த தினேஷ், ரோஹன் பார்த்தி ஆகியோரை சிபிசிஐடி போலீசார் கைது செய்துள்ளனர். இந்த வழக்கில் நாசா உதவிய போது, சுமார் 40 பேரினுடைய புகைப்படங்களை அனுப்பியது. அதை வைத்து கொள்ளையர்களை பிடிக்க தனிப்படை அமைக்கப்பட்டது. பின்னர் நடத்திய அதிரடி விசாரணையில் தற்போது இரண்டு பேர் கைது செய்யப்பட்டுள்ளனர்.

அடுத்த செய்தி