தமிழகத்திற்கு வறட்சி நிவாரணம் ரூ.2096.80 கோடி : மத்திய குழு பரிந்துரை

டெல்லி : தமிழகத்திற்கு வறட்சி நிவாரணமாக ரூ.2096.80 கோடி வழங்க மத்தியக் குழு பரிந்துரை செய்துள்ளது.

தமிழகத்தில் ஏற்பட்ட வறட்சி குறித்து மத்திய குழுக்கள் கடந்த ஜனவரி மாதம் 22-ம் தேதி முதல் 25-ம் தேதி வரை ஆய்வு செய்தது. இந்த ஆய்வின் அடிப்படையில் மத்திய குழு தமிழகத்திற்கு வறட்சி நிவராணமாக ரூ.2096.80 கோடி வழங்க மத்திய உள்துறை அமைச்சகத்திற்கு பரிந்துரை செய்துள்ளது. இதே போல தமிழகத்திற்கு வறட்சி நிவராணமாக ரூ.1748.28 கோடி வழங்க துணைக்கமிட்டி உள்துறை அமைச்சகத்துக்கு பரிந்துரை செய்யுள்ளது.

இந்த இரண்டு குழுக்களின் பரிந்துரை குறித்து உள்துறை அமைச்சர் ராஜ்ராத் சிங் தலைமையில் நாளை நடைபெறும் உள்துறை அமைச்சகத்தின் உயர்மட்ட குழு கூட்டத்தில் முடிவு எடுக்கப்படும் என்று தகவல்கள் வெளியாகியுள்ளது. இந்த கூட்டத்தில் நிதி அமைச்சர் அருண் ஜெட்லி, விவசாய துறை அமைச்சர் ராதா மோகன் சிங் ஆகியோர் கலந்து கொள்ள இருக்கின்றனர்.

தமிழக அரசு வறட்சி நிவராணமாக ரூ.39656 கோடி கேட்டுள்ள நிலையில் மத்திய குழுவினரின் பரிந்துரை மிகவும் சொற்பம் என்பதால் விவசாயிகள் அதிர்ச்சி அடைந்துள்ளனர். தமிழத்திற்கு வறட்சி நிவராணமாக எவ்வளவு தொகை வழங்கப்படும் என்பது குறித்து நாளை நடைபெற இருக்கு உயர்மட்ட குழு கூட்டத்திற்கு பிறகு தான் தெரியவரும்.