எல் நினோ பாதிப்பு: மீண்டும் சென்னையில் பலத்த மழை பெய்யலாம் என எச்சரிக்கை

கடந்த ஆண்டில் சென்னையை உலுக்கிய மழை மற்றும் பெருவெள்ளம் போன்ற பாதிப்புகள் மீண்டும் ஏற்பட வாய்ப்புள்ளதாக, விஞ்ஞானிகள் எச்சரித்துள்ளனர்.

இந்திய தேசிய அறிவியல் அகாடமி, அமெரிக்க தேசிய அறிவியல் அகாடமி மற்றும் அண்ணா பல்கலைக்கழகத்தின் ஜியாலஜி துறை இணைந்து, சென்னையில் பெய்த பெருமழை பற்றிய இரண்டு நாள் கருத்தரங்கை, நடத்தின. இதில், ஏராளமான விஞ்ஞானிகள் பங்கேற்றனர்.

அவர்கள் பேசும்போது, 'சென்னையில் பெய்த பெருமழைக்கு, எல் - நினோ பருவமாற்றம் உள்பட, பல காரணங்கள் உள்ளதாக,'தெரிவித்தனர்.

வங்கக் கடலின் மேற்கில், சென்னையை ஒட்டியுள்ள கடலோரம் மற்றும் தரைப்பகுதி அதிக வெப்பமயமாகி, வருகிறது. இதனால், சமீபத்தில் பெய்த பெருமழை போன்று வரும் காலங்களிலும், சென்னையில் மழை பெய்ய வாய்ப்புள்ளது.

எனவே, தகுந்த முன்னேற்பாடுகளை அரசு நிர்வாகம் மேற்கொள்ள வேண்டியது அவசியம் என்றும், விஞ்ஞானிகள் குறிப்பிட்டனர். மழைநீர் கடலில் கலப்பதைத் தடுத்து, முறையான நீர் சேமிப்புத் திட்டங்களை செயல்படுத்த வேண்டும், என அவர்கள் வலியுறுத்தினர்.