சென்னை மாநகரப் பேருந்து சீசன் டிக்கெட் கட்டணம் உயர்வு; போக்குவரத்து கழகம் அதிரடி!

சென்னை: சீசன் டிக்கெட் கட்டணத்தை உயர்த்த போக்குவரத்து கழகம் முடிவு செய்துள்ளது.

தமிழ்நாட்டின் கடந்த ஜனவரி 20ல் பேருந்துக் கட்டணம் உயர்த்தப்பட்டது. இதனால் சென்னை மாநகரப் பேருந்துகளில் பயணிப்போரின் எண்ணிக்கை 20 லட்சம் குறைந்தது.

அதற்குப் பதிலாக மின்சார ரயில், ஷேர் ஆட்டோ போன்றவற்றை மாற்றாக பயன்படுத்த தொடங்கினர். எனவே எதிர்பார்த்த வருமானம் கிடைக்கவில்லை. இந்நிலையில் மாநகர பேருந்துகளில் பயணிகளின் எண்ணிக்கையை உயர்த்த நடவடிக்கை மேற்கொள்ளப்பட்டு வருகிறது.

சென்னையில் வேலைக்கு செல்வோர் மாநகரப் பேருந்துகளில் மாதாந்திர சீசன் பாஸ் எடுத்து பயணிக்கின்றனர். பயணிகள் வருகை குறைந்த நிலையில், சீசன் பாஸ் மூலம் 21.5 லட்சம் பேர் பயணிப்பதாக அதிகாரிகள் தரப்பில் தெரிவிக்கப்பட்டது.

இந்நிலையில் வருவாய் உயர்த்த மாதாந்திர பேருந்து கட்டணத்தை உயர்த்த போக்குவரத்து கழகம் முடிவு செய்துள்ளது. அதன்படி ரூ.1000 கட்டணமாக இருக்கும் சீசன் பாஸ், விரைவில் உயர்த்தப்பட உள்ளது.

Chennai Corporation plans to hike bus pass amount.