கறுப்பர் கூட்டம்: 500 வீடியோக்களை நீக்கிய சைபர் கிரைம் போலீஸார்!

கந்த சஷ்டி கவசம் குறித்து சர்ச்சைக்குரிய வீடியோ வெளியிட்ட கறுப்பர் கூட்டத்தைச் சேர்ந்த இருவர் கைது செய்யப்பட்டுள்ள நிலையில் அந்த சேனலில் உள்ள 500 வீடியோக்களை பொது மக்கள் பார்க்கமுடியாதபடி நீக்கம் செய்யப்பட்டுள்ளதாக சென்னை சைபர் கிரைம் போலீஸார் தெரிவித்துள்ளனர்.

கறுப்பர் கூட்டம் யூ டியூப் சேனலில் கடந்த ஒரு ஆண்டுக்கும் மேலாக இந்து சமய புராணங்களை விமர்சிக்கும் வகையில் வீடியோக்கள் பதிவேற்றம் செய்யப்பட்டு வந்தன. அந்தவகையில் ஏழு மாதங்களுக்கு முன்னர் பதிவேற்றம் செய்யப்பட்ட வீடியோவில் கந்த சஷ்டி கவசம் குறித்து சர்ச்சைக்குரிய வகையில் கருத்து தெரிவிக்கப்பட்டிருந்தது. சமீபத்தில் இந்த வீடியோ குறித்து பேச்சு எழுந்தது.

தொடர்ந்து கறுப்பர் கூட்டம் குறித்து விமர்சனங்கள் எழுந்தன. காவல் துறையில் புகார் அளிக்கப்பட்டதைத் தொடர்ந்து அந்த அமைப்பைச் சேர்ந்த செந்தில், சுரேந்தர் ஆகிய இருவர் கைது செய்யப்பட்டு சிறையில் அடைக்கப்பட்டுள்ளனர். அவர்களிடம் தொடர்ந்து விசாரணை நடத்தப்பட்டு வருகிறது.

ரஜினிகாந்த் காரை ஓட்டிச் சென்றது எங்கு தெரியுமா?

சில தினங்களுக்கு முன் சென்னை கண்ணம்மாபேட்டையில் அமைந்துள்ள கறுப்பர் கூட்டம் அலுவலகம் சீல் வைக்கப்பட்டது. அங்கு முக்கிய ஆவணங்கள் கைப்பற்றப்பட்டதாக கூறப்பட்டது. இந்நிலையில் அந்த யூடியூப் சேனலில் பதிவேற்றம் செய்யப்பட்ட 500க்கும் மேற்பட்ட வீடியோக்கள் பொது மக்கள் பார்க்க முடியாதபடி நீக்கம் செய்யப்பட்டுள்ளது.

தொடர்ந்து இந்த யூ டியூப் சேனலை நிரந்தரமாக முடக்கம் செய்ய யூ டியூப் நிறுவனத்துக்கு சென்னை சைபர் கிரைம் போலீஸார் கடிதம் எழுதியுள்ளனர்.

எகிறும் மின் கட்டணம்: போராட்டத்தில் இறங்கிய திமுக!

கைது செய்யப்பட்ட செந்தில், சுரேந்தர் ஒளிப்பதிவு செய்து படத் தொகுப்பு பணியிலும் ஈடுபட்டுள்ளனர். மேலும் இந்தப் பணிகளில் யாரெல்லாம் ஈடுபட்டார்கள், இவர்களுடைய வங்கி கணக்கு விவரம் ஆகியவை குறித்தும் விசாரணை நடைபெற்று வருகிறது.